Plagosja e dyshimtë/ Çfarë i ka ndodhur realisht gjykatësit Gjermeni?

18 Janar 2016, 23:45, Aktualitet CNA

Shkak për përfshirjen e kësaj prokurorie në hetimet mbi rastin është statusi i Gjermenit si gjyqtar.

Gjermeni ka vijuar t?i qëndrojë variantit se është plagosur aksidentalisht ?me një llamarinë? në garazhin e shtëpisë së tij pranë Ambasadës Amerikane, në Tiranë.

Por versioni i dhënë prej tij ka rënë për disa arsye.

Policia ka kontrolluar garazhin dhe nuk ka gjetur asnjë mjet prerës si ai që përshkruan gjykatësi.

Po ashtu, nuk ka konstatuar njolla gjaku në ambjentet e garazhit.

Ndërkohë disa banorë të pallatit dhe një polic privat u shprehën se nuk kishin parë asnjërën nga makinat e Gjermenit të kalonte aty përgjatë dy orëve të fundit që korrespondojnë me kohën kur ai thotë se është dëmtuar në garazh.

Pra gjykatësi nuk ka qenë në shtëpi dhe as në garazh para se të paraqitej në urgjencë me plagë në trup.

Plagosja enigmatike korrespondon në kohë me një ngjarje te rruga ?Bardhyl? ku u dëgjuan edhe krisma armësh.

Pak minuta pas të shtënave, rezultoi të ishte paraqitur për ndihmë mjekësore gjyqtari Gjermeni.

Megjithëse gjykatësi u tha se ishte plagosur aksidentalisht në shtëpi, katër plagë në trup krijuan dyshime tek stafi i spitalit.

Një burim spitalor i tha Ditës se ai nuk e paraqiti fillimisht identitetin në momentin e shkuarjes në urgjencë dhe ndoshta ka zgjedhur spitalin publik duke menduar se do ta kishte më lehtë të merrte mjekimin e parë pa u identifikuar.

Por fshehja e identitetit dhe plagët e shumta i kanë detyruar mjekët të lajmërojnë policinë.

Gjermeni kishte plagë në këmbë, në ije, në shpatull dhe në bark. Plagët ishin tipike të shkaktuara me armë të ftohta dhe plaga më e rëndë ishte një traumë shpuese në hapësirën ndërbrinjore, fatmirësisht pa depërtuar në mushkëri ? tha për Ditën burimi spitalor.

Pas mbërritjes së një patrulle të Komisariatit Nr.1 në spital, gjykatësi është prezantuar kush ishte realisht dhe ka refuzuar t?u përgjigjet pyetjeve të mëtejme.

Ai ka dalë vetë nga spitali rreth orës 21:20 megjithëse mjeku i ka thënë se plagët janë relativisht të rënda.

Pasi ka dalë në ambjentet e parkimit ka bërë disa telefonata, sepse ndërkohë lajmi kishte nisur të përhapej në media.

Të interesuarve u ka thënë që ishte mirë dhe po kthehej në shtëpi.

Por ka përfunduar në një spital privat, nga ku informacionet për gjendjen e tij shëndetësore u bllokuan.

Sipas mjekëve të spitalit publik , përveç goditjes me thikë, Gjermeni kishte edhe shenja goditjeje në trup, kryesisht në brinjë.

Kjo shton dyshimet se ai është përfshirë në një konflikt fizik.

Janë marrë në pyetje familjarët e tij, si dhe është shoqëruar për disa orë në komisariat një femër, identiteti i së cilës dhe rrethanat e përfshirjes së saj në këtë ngjarje mbeten për t?u sqaruar.

Dyshohet se ajo ka qenë me Gjermenin në momentin e sulmit.

Policia i ka gjetur atij 20 mijë euro në automjetin ?Smart? me të cilin shkoi në spitalin publik e më pas në spitalin privat.

Gjermeni, ish-anëtar i Këshillit të Lartë të Drejtësisë është gjykatës në Tiranë prej 2011-s.

Para se të vinte në kryeqytet, Gjermeni ka punuar në Gjykatën e Kavajës, atë të Elbasanit ndërsa ka qenë edhe kryetar i Gjykatës së Lushnjës.

Në 2006 u akuzua nga Ministria e Drejtësisë për shkelje në detyrë dhe parregullsi në deklarimin e pasurisë, por i shpëtoi shkarkimit për shkak se KLD-ja votoi në favor të tij.

Gjermeni është aktualisht edhe pedagog i së drejtës familjare si dhe anëtar i bordit drejtues në Shkollën e Magjistraturës.

Së fundmi gjykoi dosje të bujshme, si rasti i Konstandin Xhuvanit dhe ish-guvernatorit Fullani./ Dita