web counter
LEXO PA REKLAMA!

SHKARKO APP

App Store
Google Play

Transportonte drogë me vlerë 1 milion euro/ Në pranga emigranti shqiptar në Itali

18 Janar 2016, 19:30, Aktualitet CNA

Policia italiane ka bërë të mundur arrestimin e një 48-vjeçari shqiptar, i cili u kap me 6 kilogram kokainë të pastër në makinë po u drejtohej disa qyteteve të veriut të Italisë për të bërë shpërndarjen. Identiteti i të arrestuarit ende nuk bëhet me dije, ndërsa mësohet se ai ishte me dokumente italiane dhe banim në Gjermani. Mediat italiane raportojnë se arrestimi i shqiptarit ndodhi në Lenjano, 50 kilometër larg Milanos.

Disa agjentë të policisë, të veshur civilë, po mbikëqyrnin zonën pas disa vjedhjeve të njëpasnjëshme të kryera në disa shtëpi. Gjatë patrullimit ata panë një makinë me targa gjermane dhe vendosën ta ndalojnë, nën dyshimin se mund të ishin hajdutë.

Sapo kanë parë që makina drejtohej nga një shqiptar, 48 -vjeç, ata kanë ushtruar kontroll të imtësishëm dhe kanë vënë re që vendi i levës së marsheve ishte e modifikuar. Nën të ata gjetën një xhep të fshehtë si kishte futur 6 kilogramët e kokainës së pastër, të ndarë në 7 pako. Secila pako kishte sipër emrin e qytetit ku do të dorëzohej, përfshirë Milanon dhe Bolonjën. Vlera e drogës në treg përllogaritet se do të arrinte në 1 milion euro.

 





Lajmet e fundit nga