web counter
LEXO PA REKLAMA!

SHKARKO APP

App Store
Google Play

E fundit!

x

Eurodeputeti holandez: Qeveria shqiptare të kryejë reformat që të fitojë besimin

17 Janar 2016, 21:56, Aktualitet CNA

Eurodeputeti holandez i Komisionit të Punëve të Jashtme në Parlamentin Europian, Bas Belder, ka deklaruar se qeveria shqiptare duhet të kryejë reformat në mënyrë që të fitojë besimin e popullit. Në një intervistë për “ABC News”, Balder tha se Shqipëria duhet të plotësojë kriteret për integrimin e saj .

Lidhur me reformën në drejtësi, ai tha se ?deklarata e ministrit të Jashtëm holandez më ngacmoi që të përqendrohem më shumë te reforma e drejtësisë në Shqipëri. Duhet parë çfarë problemesh ka dhe si mund të arrihet progres në këtë fushë. Në Holandë ne themi: ?Rregullo së pari shtëpinë tënde?. Pra, nëse vetë qytetarët shqiptarë nuk mund të besojnë te qeveria e tyre, çfarë duhet të bëjmë ne në Europë atëherë? Atëherë ky është problemi kryesor në rastin e Shqipërisë, dhe nuk ka të bëjë fare me zgjerimin. Duhen kryer reformat. Është e qartë!?.

Ai shtoi mandej se në Holandë aktualisht, ideja për zgjerimin e BE nuk është shumë popullore. Sipas tij, Shqipëria duhet ndihmuar për shkak të barrës së rëndë të historisë që i ka lënë komunizmi, por vendi duhet të plotësojë kriteret e integrimit europian. Belder shtron pyetjen: ?Nëse vetë qytetarët shqiptarë nuk mund të besojnë te qeveria e tyre, çfarë duhet të bëjmë ne në Europë atëherë?! Ministri i Jashtëm i Holandës prezantoi në Parlamentin Europian qëndrimin e presidencës holandeze për politikën e zgjerimit të BE. Unë vetë e stimuloja diskutimin, që Ballkani Perëndimor është pjesë e Europës dhe duhet të jetë pjesë e BE. Nëse e thua këtë sot, ti prish imazhin tënd politik si politikan, pasi zgjerimi është bërë një temë shumë jopopullore. Kjo pasi perceptimi i qytetarëve të Holandës, është që problemet e tyre vijnë nga Europa?, ? deklaroi Belder.





Lajmet e fundit nga