Nga forumi "Djemtë e Gjirokastrës": Vasili e Vangjeli, sot mbushën 25 vjeç!

17 Janar 2016, 19:00, Aktualitet CNA

Nisur nga festimet e 25 vjetorit të organizatës ?OMONIA? në Dervican të Gjirokastrës, ne forumi “Djemtë e Gjirokastrës” duam t’iu bëjmë një pyetje drejtuesve të saj: Çfarë keni bërë ju këto 25 vjet? Ju themi ne se çfarë keni bërë këto 25 vjet ju drejtuesit e nderuar të OMONIA-s… Keni 25 vjet që kërkoni poste e karrike në nivel qëndror e lokal, duke luajtur njëherë me Tiranën e njëherë me Athinën, njëherë me Partinë Demokratike e njëherë me Partinë Socialiste. Keni vjelur sa keni mundur në emër të përfaqësimit të minoritetit, lloj – lloj institucionesh, duke i shtrydhur dhe përdorur ato në kuptimin financiar dhe keni folur në emër të tyre për 25 vite për të arritur qëllimet tuaja shoviniste të cilat datojnë që në 1914.

Jeni qarë si gratë e liga, herë në Athinë e herë në Bruksel, e herë deri lart në Ëashington me mikun tuaj Nicolas Geixh, se gjoja shteti shqiptar ju përndjek, se ju mbroni helenizmin. Çfarë keni bërë ju për minoritarët grekë që banon në Dropull?

ASGJË!!!
Dhe ato përfitime materiale që ju jep shteti grek si detyrim kushtetues që ka për mbrojtjen e minoriteteve greke kudo që ato ndodhen, ju i mërmërisni në veshin e minoritetit të mirë grek, se gjoja ato vinë nga puna juaj e palodhur, ndërkohë që ju veçse keni ngrohur e ftohur kolltuqet që keni marrë në emër të përfaqësimit të tyre. Ka 25 vjet që minoriteti përfaqësohet me Vasil e Vangjel, ndërkohë ka dhjetëra të rinj e të reja minoritare të shkolluar në universitetet më të mira të Europës, që ju nuk u keni dhënë hapësira përfaqësimi. Ata mijëra minoritare që jetojnë në Shqipëri, vetëm Vangjeli e Vasili i përfaqëson? Apo Panajot Barka me shokë që nuk bëjnë gjë tjetër veçse nxisin urrejtje mes dy kombeve me prejardhje të njëjtë që nga lashtësia. ?OMONIA? dhe ?PBDNJ? janë të vetmet organizata politike në botë, që numrin e votuesve të tyre e kanë sa 1/10 e numrit real të minoritetit që gjoja ata përfaqësojnë. Keni 25 vjet që me dokumenta të blera me dhrami fallco keni bërë Sulejmanët- Stefanë, Gjergjët-Jorgo dhe me përfitime financiare marramendëse keni luajtur pistë me fenë ortodokse.

Tashmë i ngelet të rinjve e të rejave minoritarë, t?iu shporrin njëherë e mirë se nuk keni mërzitur vetëm popullin shqiptar, por dhe vetë minoritetin që ju gjoja përfaqësoni. Nuk ju ngelet gjë tjetër vecse të largoheni vetë se jeni bërë si kuçedra që zë burimin e ujit, të atij uji që rrjedh me shekuj vëllazërim mes dy popujve më të vjetër në Ballkan, atij shqiptar dhe grek. Çdokush ka të drejtë të festojë përvjetore, por ndërkohë që ?Omonia? që përfaqëson qëllime shoviniste brenda kombit tonë kujton sot 25 vjetorin e krijimit, ndërsa në Greqi ende nuk lejohet krijimi i një partie shqiptare e as minoritet shqiptar nuk lejohet, kurse shkollat shqipe nuk bëhet fjalë të lejohen në Greqi. Faji është më shumë i qeverive tona të koruptuara që nuk duan e nuk dinë të kërkojnë të drejtat e shqiptarëve jashtë kufirit. Ndërkohë që brenda territorit tone, s?ka mbetur më minoritet pa u promovuar deri te minoritetet sllave … Kjo është hipokrizia e kohës që jetojmë që dikur ishte tragjike dhe sot është komike. Pse institicionet ligjzbatuese menjëherë ngrenë akuza në prokurori për patriotët shqiptarë kur ata reagojnë si p.sh ?Djemtë e Tepelenës? në vitin 2008 dhe duke vazhduar me Ballist Morinën dhe me shumë të tjerë në Gjirokastër që duan t?i inkriminojnë dhe t?u privojnë lirinë me akuza të padrejta politike, nga persona të lidhur ngushtë me politikën, ndërsa pjesëtarë të ?Omonias? në mes të ditës krijojnë skandal pas skandali dhe askush nga institucionet tona nuk i prek, shpesh herë matrapazllëqet e tyre janë bërë me ndihmën e institucioneve shqiptare. Për 25 vjet janë bërë të paprekshëm nga ligji këta zabërhanë, stërnipër të andartëve Isis-ianë të 1914 dhe 1945.

Forumi “Djemtë e Gjirokastrës”