E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Në vend të një replike me Mero Bazen/ Po kritikët e Ramës ku i ke?

17 Janar 2016, 17:16, Aktualitet CNA

Elvi FUNDO/citynews

Në një editorial publikuar dje në portalin e gazetës TemA, botuesi i saj dhe analisti Mero Baze shfaqej i shqetësuar për zërat kundër Bashës dhe Berishës që tashmë ishin shuar. Ai shkonte më tej dhe në komentin e tij duket i çuditur për disa zëra që tani po heshtin.

Baze shkruan: ?Dhe Bashën unë e kuptoj në këtë proces, por nuk kuptoj kritikët e tij. A ka kritikë të tjerë në PD kundër Bashës, ose Berishës?

Natyrisht që ka. Ka plot deputetë dhe drejtues të PD që janë të pakënaqur nga mënyra se si Basha udhëheq PD, nga mënyra se si Berisha është ende në pushtet brenda në PD, nga mënyra se si merren vendimet dhe organizohet partia etj. Të gjitha pakënaqësitë e tyre, mund të jenë legjitime. Por në politikë, personazhet mbeten në vëmendje të publikut, jo për pakënaqësitë brenda partive, por për qëndrimet publike që mbajnë ndaj çështjeve të rëndësishme?, komenton Baze në shkrimin e tij ?Reforma ?varrosi? dhe kritikët e Bashës brenda PD??

Më tej ai shton se ?kur një deputet apo dikush që pretendon të ketë personalitetin e tij politik brenda një partie të madhe, nuk flet për këtë çështje, ai nuk është pjesë e debatit dhe interesit publik dhe nuk do të jetë kurrë interesant dhe nëse viktimizohet dikur nga partia e tij?.

Pra gazetari dhe analisti dikur në krahun e djathtë të Berishës sot aleat i dyshes Rama-Meta, ngre problemin e kritikëve në PD, të cilët në këtë kohë kur po tronditen themelet e një mazhorancë skandalesh nuk po flasin. Në fakt Baze thotë të vërtetën dhe ka një konstatim real kur flet se zërat kritikë kanë heshtur. Një heshtje që e shqetëson atë, por në fakt nuk duket të jetë një lëvizje e gabuar.

Kjo sepse ata zëra kritikë kanë qenë të tillë me Bashën pasi kanë kërkuar që ai të jetë më radikal dhe i ashpër, të ketë qëndrime më të forta publike ndaj qeverisë, të jetë edhe më aktiv në politikë, këtu kam parasysh Patozin, Topallin, Rulin, Dodën dhe deputetë të tjerë.

Të gjitha kritikat kanë qenë për të ngritur një opozitë më të fortë dhe aktive, jo për ti shërbyer qeverisë të Ramës dhe Metës.

Pra kritikët sot po heshtin pasi po shikojnë që qeverisja po lëkundet dhe përpara se të jenë përballë Bashës, kanë një të keqe të madhe që është dyshja Rama-Meta. Këtë të keqe dhe stilin qeverisës dhe vetë Mero Baze e ka kritikuar, ka kërkuar të jetë më reale dhe e prekshme dhe jo peng e Koçove. Shqiptarët po i dërmon qeveria dhe jo opozita.

Qeveria e komisarit me 3K dhe dyshes Rama ?Meta po shembet cdo ditë, dhe varkë shpëtimi nuk mund të jenë kritikët e Bashës apo Berishës. Për qeverinë tashmë s?ka asnjë shpëtim, e para është ajo, të tjerat vijnë më pas.

Ndoshta pa dashje apo me pak haresë Mero Baze lë mënjanë edhe kritikët e Ramës apo dhe Metës. Kundërshtarët e tij, që dje i kishte në krah, Rama ca i ka burgjeve dhe ca të përjashtuar. Ben Blushi ka mbyllur gojën pasi shikon se qeveria e partisë të tij po përpëlitet. Edhe ai me një arsye, më mirë PS-ja copë e cikë në pushtet se Lulzim Basha dhe PD.

Blushi është zë më kritik dhe problematik sesa ata të PD, fundja ajo është në opozitë dhe i duhej një debat i fortë brenda, debat i cili vetëm e forconte dhe e ringrinte, ndërsa ai që i ndodh mazhorancës është debat për të kapur kush e kush copën më të madhe të tortës që ka qeverisja e vendit.

Kritikët janë politikanë që i shërbejnë asaj force ku ata aderojnë, në rast se do i shërbenin qeverisë nuk do ishin më kritikë dhe linjë me peshë për opozitën por punonjës të përkohshëm të qeverisë, kjo vlen edhe për ata të qeverisë që për inat të vjehrrës ngrohin krevatin e mullixhiut. Tek opozita kjo nuk duket të ketë vend dhe ndoshta Mero Baze është më shumë i shqetësuar se ku po degdiset qeveria sesa çfarë po ndodh brenda PD-së.