web counter
LEXO PA REKLAMA!

SHKARKO APP

App Store
Google Play

Lufta kundër trafikimit të personave/ Mblidhet Komiteti rajonal antitrafik

15 Janar 2016, 15:30, Aktualitet CNA

Zëvendësministrja e Punëve të Brendshme Elona Gjebrea në bashkëpunim me Prefektin e Tiranës organizuan sot takimin e Komitetit Rajonal Antitrafik të Qarkut. Në këtë takim ishin të pranishëm, drejtues të institucioneve shtetërore vendore, si drejtues të policisë, shërbimit social shtetëror, arsimit, shëndetësisë, organizatat që ofrojnë shërbime për njerëzit në nevojë, shoqëria civile.

Zëvendësministrja Gjebrea vuri theksin tek nevoja për koordinim më të mirë dhe bashkëpunim mes institucioneve shtetërore, organizatave kombëtare dhe lokale në parandalimin dhe luftën kundër trafikimit të personave.

Ajo ftoi organizatat të bëhen pjesë e aktiviteteve ndërgjegjësuese në kuadër të parandalimit, të cilat do të përcaktohen në Planin e Veprimit të Komitetit Rajonal Antitrafik. ?Bashkëpunimi dhe mirëkoordinimi mes aktorëve antitrafikim është çelësi i suksesit në parandalimin dhe luftën kundër trafikimit të personave?, tha Gjebrea.

Prefekti Vorpsi shprehu angazhimin maksimal dhe në çështjet e anti-trafikimit. ?Vetëm me një angazhim të përbashkët dhe duke unifikuar përpjekjet mund të minimizojmë fenomenin e trafikimit?, theksoi Vorpsi.

Në planin e veprimit për këtë vit, do të punohet më shumë për situatën e fëmijëve në rrugë, për të ngritur një sistem më funksional të lajmërimit në kohë për raste trafikimi. Gjatë takimit u vendos krijimi i një Task-force nga Drejtoria Arsimore, për të rritur rastet e raportimit për fëmijët në situata në rrezik, që mund të bëhen pre e trafikimit dhe abuzimit.





14:16 Aktualitet

15 vjet Wikipedia

Enciklopedia bashkëpunuese në rrjet Wikipedia, e cila feston...

Lajmet e fundit nga