web counter
LEXO PA REKLAMA!

SHKARKO APP

App Store
Google Play

E fundit!

x

Etja për famë e El Chapos ndihmoi në kapjen e tij

10 Janar 2016, 22:44, Kosova & Bota CNA

Aktori amerikan Sean Penn ka luajtur rol në kapjen e baronit meksikan të drogës, Joaquin ?El Chapo? Guzman në Meksikë.

Një intervistë që ai i dha aktorit, disa muaj para se të kapej, i dha informacion policisë që ta ndiqte atë.

Intervista u botua nga revista Rolling Stone, një ditë pasi Guzman u kap nga autoritetet meksikane.

Burime të qeverisë meksikane thonë se autoritetet kishin marrë vesh për takimin e aktorit Penn dhe një aktoreje meksikane me Guzmanin në tetor. Ata monitoruan lëvizjet e Pennit, që më pas u dha atyre informacion të mjaftueshëm që ta çonin përpara kërkimin e tij.

Në intervistën që u botua në revistën the Rolling Stone, Guzman ?krenohet? hapur para aktorit, duke thënë se ?ai është furnizuesi më i madh në botë i heroinës, metamfetaminës, kokainës dhe mariuanës?.

?Unë kam një flotë me nëndetëse, avionë, kamionë dhe varka?, vazhdon ai.

Guzman thotë lidhur me trafikun e drogës se po të mos kishte kërkesë, nuk do të kishte shitje.

Zoti Penn e përshkruan Guzmanin si një njeri që nuk shfaq asnjë ndjenjë pendimi. Ai tha se baroni i drogës ishte i interesuar për një film mbi jetën e tij. Autoritetet thonë se ai kishte kontaktuar aktorë dhe producentë, gjë që i ndihmoi ata ta gjenin./VOA





Lajmet e fundit nga