web counter
LEXO PA REKLAMA!

SHKARKO APP

App Store
Google Play

Gjyqtarët dhe prokurorët do deklarojnë pasurinë nga fillimi, ja kush shkarkohet

9 Janar 2016, 08:12, Aktualitet CNA

Reforma në Drejtësi parashikon ngritjen e institucioneve të reja, për emërimin , kontrollin, disiplinimin dhe hetimin e njerëzve të drejtësisë. Projekti i dytë parashikon masa të ashpra për gjykatat dhe institucionin e akuzës. Sipas këtij projekti, 400 gjyqtarë dhe 400 prokurorë do ti nënshtrohen një verifikimi për lidhjet e tyre me organizatat kriminale. Ata që do të rezultojnë se kanë kontakte me këto organizata do të përjashtohen nga sistemi, shkruan gazeta ?Sot?

Gjithashtu, gjyqtarët dhe prokurorët do të deklarojnë edhe një  herë nga fillimi pasuritë që posedojnë. Sipas draftit që po diskutohet, do ti nënshtrohen kontrollit të pasurisë me qëllim që të identifikohen ata që kanë pasuri më të mëdha nga sa mund të justifikohet ligjërisht.

?Subjekti i vlerësimit dorëzon një deklaratë të re dhe të detajuar të pasurisë në përputhje me ligjin. Inspektoriati i Lartë i Deklarimit të Kontrollit të Pasurive dhe Konfliktit të Interesave kontrollon deklaratën e pasurisë dhe i dorëzon Komisionit një raport mbi ligjshmërinë dhe pasurive mbi saktësinë dhe plotësinë e deklarimit, si dhe mund të rekomandojë vendosjen e masave disiplinore në përputhje me ligjin,? thuhet në draft

Shkarkimi

Prokurorët dhe gjyqtarët që kanë një pasuri më të madhe se dyfishi i pasurisë së ligjshme, zbatohet parimi i prezumimit në favor të masës disiplinore të shkarkimit dhe subjekti i vlerësimit ngarkohet për të vërtetuar të kundërtën.

?Për cdo procedim penal që mund të fillojë si pasojë e kësaj procedure, barra e provës i kalon shtetit. Nëse subjekti i vlerësimit nuk e dorëzon deklaratën e pasurisë në kohë ose përpiqet ta fshehë  të ose të paraqesë në mënyrë të pasaktë pasuritë e zotëruara ose përdorura prej tij, zbatohet parimi i prezumimit në favor të masës disiplinore të shkarkimit dhe subjekti i vlerësimit ngarkohet me barrën e provës për të vërtetuar të kundërtën. Për cdo procedim penal që mund të fillojë si pasojë e kësaj procedure, barra e provës i kalon shtetit?, thuhet në draft





Lajmet e fundit nga