Bilanci 2015/ Tahiri: Numri i vrasjeve, rekordi më pozitiv i këtyre 25 viteve. Një mijë policë të proceduar për shkelje

5 Janar 2016, 12:08, Aktualitet CNA

Ministri i Brendshëm, Saimir Tahiri, bëri sot bilancin e Policisë së Shtetit për vitin 2015. Në një konferencë për shtyp nga Ministria e Punëve të Brendshme, Tahiri tha se numri i vrasjeve është ulur ndjeshëm, duke theksuar se vrasjet në vitin 2015 janë sa gjysma e e vrasjeve të marrë veçmas në 25 vitet e fundit. Ai tha se këto shifra e fusin Shqipërinë në vendet e zhvilluara në Rajon por edhe në Bashkimin Europian.

?Nga njëra anë, lufta kundër paligjshmërisë dhe korrupsionit brenda policisë, dhe nga njëra anë ura e lidhjes së bashkëpunimit me qytetarët dhe kthimin e besimit të tyre, për të filluar me vrasjet ku është viti i parë në 25 vitet e fundit, ku numri i vrasjeve është gjysma e numrit të vrasjeve të marrë veçmas në këto 25 vit. Është rezultati më pozitiv i punës së Policisë së Shtetit. Nga njëra anë është një detyrim i shkruar për të ruajtur këtë tendencë suksesi. Siç shihet, edhe krahasuar me treguesin e vrasjeve për 100 mijë banorë, duket se rezultatet janë ndjeshëm në ulje. Shqipëria hyn në vende që kanë tregues të vrasjeve të njëjtë ose më të ultë se vende më të zhvilluara, në rajon por dhe në Bashkimin Europian. Jemi në mesataren e vrasjeve për 100 mijë banorë. Madje jemi më poshtë se këta tregues në krahasim me vendet e zhvilluara?, tha Ministri Tahiri

Më tej, ministri Tahiri shtoi se rreth 1000 punonjës të policisë janë proceduar penalisht. Ai nënvizoi se një pjesë e mirë e denoncimeve kanë ardhur nga qytetarët nëpërmjet aplikacionit ?Komisariatit Dixhital?, por shtoi se vendosmëria e ministrisë për të luftuar korrupsionin dhe shkeljen e ligjit nga punonjësit e policisë, ka bërë të mundur rilindjen e policisë

?Gati 1000 punonjës policie janë të proceduar, 790 me procedim disiplinor dhe pjesa tjetër me procedim penal. I falënderoj qytetarët për denoncimet që kanë bërë për punonjësit e policisë që kanë shkelur ligjin. Ne besojmë fort që mënyra e vetme për të luftuar shkeljen e ligjit, korrupsionin, fillon nga vendosja e policisë së shtetit në shinat e ligjit. Vendosmëri për të bërë gjithçka, është e mundur që policia e shtetit ti bindet ligjit dhe punonjësi i policisë të kthehet në model që respekton ligjin dhe pastaj pretendon nga shoqëria nga qytetarët të respektojnë ligjin. Për ne është prioritet maksimal lufta kundër korrupsionit brenda policisë, abuzimit me detyrën, dhe shifrat flasin qartë për vendosmërinë tonë në këtë detyrë. Komisariati dixhital është kthyer në një risi në dorën e qytetarit. Eshtë një aplikacion që është shkarkuar 135 mijë herë. Instrument efektiv për qytetarët, për të pasur një mjet të lehtë për të ndarë informacion me policinë, për të kërkuar ndihmë, apo për të kërkuar reagimin e policisë sa herë bëhen dëshmitarë të ngjarjeve të dhunshme apo kriminale?– deklaroi ministri.