Edi Rama, 530 milionë lekë rrush e kumbulla/ Zbulohet arsyeja e shëndoshjes së kryeministrit

5 Janar 2016, 09:45, Aktualitet CNA

Sipas të dhënave të Open Data, Këshilli i Ministrave kryeson listën e institucioneve që kanë shpenëzuar më shumë për pritje përcjellje të viti që lamë pas. Sipas këtyre të dhënave, rezulton se në vetëm 90 takime, kryeministri Edi Rama ka shpenzuar rreth 530 milionë lekë për organizimin e ceremonive, pritjet-përcjelljet apo evente të ndryshme të kryeministrisë. Ajo që bie në sy është se në krahasim me institucionet e tjera, kryeministria përveçse ka shpenzuar më shumë lekë, ka kryer më pak transaksione se të tjerët.

Në 90 transaksione të saj, kryeministria ka shpenzuar rreth 530 milionë lekë (të vjetra). Ministria e Jashtme, në 133 transaksione, ka shpenzuar 270 milionë lekë. Më pak ka harxhuar Presidenca, e cila në 120 transaksione ka shpenzuar 250 milionë lekë. Edhe Kuvendi renditet më poshtë për sa i përket shpenzimeve dhe numrit të transaksioneve, nga 140 pritje-përcjellje, Kuvendi ka harxhuar 160 milionë lekë.

Edi Rama ha më shumë se Nishani dhe Meta së bashku !

Nga renditja e shumës së shpenzuar, vihet re se për një numër më të vogël transaksionesh, Kryeministria ka shpenzuar pothuajse njëlloj sa të gjitha institucionet e marra së bashku. Kryeministri Edi Rama, në 90 takime, ka ngrënë dhe ka pirë 3 herë më shumë se Ilir Meta, i cili ka 50 takime më shumë se nishani tryeze kryeministri ynë.
Kreu i qeverisë është ushqyer 2 herë më shumë se Presidenti, dhe ka shpenzuar dyfishin e parave megjithëse zoti Nishani ka 30 takime më shumë.

Në garën e ushqimit, pirjes dhe tallavasë zyrtare, kryeministri ynë ja kalon Presidentit dhe kryetarit të Kuvendit të marrë së bashku. Këta dy të fundit, kanë realizuar plot 260 takime, 3 herë më shumë se kryeministri ynë, por kanë shpenzuar 120 milionë lekë më pak sepse siç e dimë, zoti Meta është dukembajtur një dietë rigoroze, Presidenti Nishani gjithmonë ka treguar kujdes me ushqimin dhe kurrë nuk ka abuzuar me alkoolin.

Kryeministri ynë është tek varianti ?hani derra, pini derra?.

Janë mbi 1 milionë dollarë pritje- përcjellje, nga të cilat gjysmat i ka ngrënë dhe pirë kryeministri Rama. Të gjithë me lugë në dorë rreth marmelatës së qeverisë, kurse kryeministri ynë nuk lëshon garuzhden nga dora. Ilir Meta/ Dje , sot

Ndoshta këtu ka edhe një shpjegim tjetër, për të cilin mund të këmbëngulë edhe transparenca.al që administrohet nga Endri Fuga. Ky version i ri ka të bëjë me faktin se Nishani dhe Meta, apo ministritë e tjera, në pritjet e tyre përdorin verë të hapur, raki BMV (e bërë vetë), kërnacka Korçe, tavë dheu Tirone etj. Tradicionalitetin e tyre, kryeministri ynë e hedh poshtë, ai pi brunelo, gaja, do karkaleca, levrek të egër, ndoshta edhe ndonjë ngjalë si meze në mes të tavolinës. Kjo ndoshta është e vërteta e shpenzimeve të tilla marramendëse, që për ne është jo e pamundur./Citynews