web counter
LEXO PA REKLAMA!

SHKARKO APP

App Store
Google Play

E fundit!

x

Unesco: Shqipëria po arrin barazi gjinore në shkencë

1 Janar 2016, 19:09, Aktualitet CNA

Teksa qeveritë në vende të ndryshme të botës po përpiqen të minimizojnë hendekun gjinor, sidomos në fusha si shkenca, disa shtete po menaxhojnë trendin e të pasurit më tepër femra në fusha të kërkimit dhe të shkencës.
Bazuar në studimin e UNESCO-s, Shqipëria ka më tepër femra në fushën e shkencave të mjekësisë, me një ndarje 60 % femra dhe 40 % meshkuj. Ndërsa, në shkencat e natyrës femrat përbëjnë 43 % të totalit të kërkuesve dhe zhvilluesve, kundrejt 57 % meshkuj. Megjithatë, raporti nënvizon se ky hendek ka ardhur duke u ngushtuar.
Ndërsa sa i përket fushës së inxhinierisë dhe teknologjisë, femrat mbeten mbrapa, vetëm 30 % e tyre janë në këtë grup kërkuesit dhe zhvilluesit, 70 % e të cilëve janë meshkuj.
Në shtete të tjera të rajonit dhe të Europës Juglindore, Serbia dhe Maqedonia kanë një performancë të mirë, ku sërish në fusha si shkencat mjekësore dhe ato të natyrës, femrat dominojnë. Në përgjithësi në të gjithë Ballkanin, meshkujt janë në krye të shkencave inxhinierike dhe të teknologjisë.
Mianmari rezulton shteti i cili 86 % e ?shkencëtarëve? i ka femra. Globalisht, 28 % e kërkuesve dhe zhvilluesve janë femra./Monitor





Lajmet e fundit nga