web counter
LEXO PA REKLAMA!

SHKARKO APP

App Store
Google Play

E fundit!

x

BE me platformë të re kundër terrorizmit

28 Nëntor 2015, 15:51, Aktualitet CNA

Bashkimi Bashkimi Europian ka hartuar një plan të ri për përforcimin e masave të sigurisë kundër terrorizmit. Plani i ri përbëhet nga pesë pika kryesore, ku përfshihet një kontroll më i rreptë dhe i imtësishëm i botës së internetit, regjistrim i të dhënave të personave që hyjnë në vendet e BE-së përmes fluturimeve dhe vendosja e këtyre të dhënave në dispozicion të policisë në çdo kohë që forcat e sigurisë e shikojnë të arsyeshme.

Objektivi është miratimi i këtyre dy pikave brenda këtij viti dhe tri pikave të tjera maksimumi në muajt e parë të 2016-ës.

Interneti është instrumenti kryesor i përdorur për rekrutimin e elementëve me prirje radikale dhe më pas radikalizimin e tyre.

Për këtë, Bashkimi Europian ka gati një platformë të emërtuar ?European Union IT?. Kjo platformë do të diskutohet më 3 dhjetor mes ministrave të Brendshëm të BE-së dhe gjigantëve të internetit si Twitter, Facebook, Microsoft, Apple e të tjera. Objekt i këtij takimi do të jetë gjetja e një rruge për t?u dhënë dorë të lirë forcave të sigurisë që të kontrollojnë edhe bisedat private të një përdoruesi të vënë nën hetim.

Një tjetër pikë është përforcimi i kontrolleve të fluturimeve ajrore. Platforma antiterrorizëm e BE-së parashikon grumbullimin, ruajtjen dhe vendosjen në dispozicion të forcave të sigurisë të të dhënave për të gjithë shtetasit që hyjnë në Union nga vende të treta.

Pjesë e propozimeve është edhe hartimi i procedurave të unifikuara dhe standarde për të gjitha vendet e BE-së për të luftuar trafikun e armëve luftarake në Bashkimin Europian.





Lajmet e fundit nga