web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen hetimet për Francesco Becchetin, mbi të rëndojnë 4 akuza

28 Nëntor 2015, 14:15, Aktualitet CNA

Mbyllen hetimet për biznesmenin italian, Francesco Becchetti, dhe administratorin e televizionit “Agon Channel”, Mauro De Renzis, nga ana e Prokurorisë së Tiranës. Ata  aktualisht ndodhen në Angli dhe janë në pritje të vendimit të Gjykatës atje nëse do t’i ekstradojë apo jo në vendin tonë.

 

Pritet që brenda javës së parë të dhjetorit pritet biznesmenit italian t’i komunikohet akuza në mungesë.

 

Kjo akuzë do t’i dorëzohet avokatit, të cilin Gjykata e ka caktuar si për Becchettin ashtu dhe për De Renzis, pasi të dy këta shtetas kanë nga drejtësia shqiptare masë sigurie “arrest me burg” në mungesë.

 

Të njëjtat burime sqaruan se Becchetti dhe De Renzis do të akuzohen për pastrim parash, mospagim taksash, evazion fiskal, vjedhje, mashtrim, si dhe falsifikim dokumentesh.

 

Rrezulton të jetë larguar nga Shqipëria prej muajit shkurt, duke ju shmangur drejtësisë dhe arrestimit të tij.

 

Akuzat dhe arratia e Becchettit

 

Që prej nisjes së hetimeve, ku u ngrit dhe pista e pastrimit të parave, Becchetti i mohoi akuzat dhe kërkoi me avokatët e tij heqjen e “arrestit me burg” dhe të sekuestros ndaj pronave mes tyre dhe “Agon Channel”.

 

Prej shkurtit të vitit 2015 biznesmeni dhe administrator italian i televizionit lanë Shqipërinë për t’u ndaluar nga policia londineze vetëm 3 javë më parë.

 

Drejtësia angleze i ka lënë ata në masë sigurimi “detyrim paraqitje me kusht” dhe në 7 dhjetor pritet që të jetë seanca e radhës ku do të shqyrtohet kërkesa e Interpol Tiranës për ekstradimin e tyre.





Lajmet e fundit nga