E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Lista e qeverisë për gjyqtarët që lirojnë të arrestuarit/ Mungojnë ata që liruan Frrokun dhe Prengën

27 Nëntor 2015, 13:10, Aktualitet CNA

Ministri i Brendshëm Saimir Tahiri i ka dërguar sot një letër Presidentit të Republikës, Bujar Nishanit nëpërmjet të cilës ai i ka listuar një grup gjyqtarësh të cilët kanë liruar persona të dënuar.

Lidhur me këtë çështje ka reaguar Partia Demokratike, e cila në një deklaratë për shtyp i ka kërkuar ministrit Tahiri se pse në këtë listë nuk përmenden gjyqtarët që liruan Arben Frrokun dhe Armando Prengën.

Deklarata e plotë

Qeveria, nëpërmjet Ministrit të Brendshem, ka përpiluar dhe bërë publike një listë gjyqtarësh e prokuroresh që paskan bërë ?çudira? në proceset penale duke liruar të pandehur në mënyrë të padrejtë.

Këtë listë ia ka bërë me dije Presidentit të Republikës në cilësinë e Kryetarit të Këshillit të Lartë të Drejtesise, duke tërhequr verejtjen për mosmarrje masash.

Edhe sikur në këtë vend, Qeveria apo Ministri i Brendshem të ishte autoriteti shtetëror që mbikqyr gjykatat dhe prokurorinë në dhenien e drejtësisë, edhe sikur kjo të mos përbente një skandal kushtetues, ligjor e moral, lista e çështjeve dhe individeve që shqetësojnë qeverinë nuk është aspak ajo që tmerron opinionin publik dhe qytetarët e këtij vendi.

Në listën në fjalë, nuk permenden prokuroret, gjyqtarët dhe oficerët e policisë gjyqësore që çmontuan procesin ndaj deputetit të radhes në listën e ?rilindjes?, Arben Frroku;

As gjyqtarët e ?lartë?, prokurorët e oficerët e policisë gjyqësore që ?bënë mrekullinë? dhe liruan deputetin tjeter ?rilindas? Armando Prenga, ndërkohe që mbajnë në burg viktimat e tij me plumbat ende ne trup.

Nuk permenden as prokurorët dhe gjyqtarët që ende nuk kanë marrë në përgjegjesi penale individin AA003GB, i cili ka pranuar botërisht të ketë mashtruar për qëllime përfitimi me dashje e qëllim, e që është titullari dhe përdoruesi i mjetit të përfshirë në trafik droge.

Nuk permenden as gjyqtaret dhe as prokurorët që heshtin për të njejtin individ, i cili rezulton i vetmi përgjegjës për fshehjen në sirtar të mandat arrestit të Interpolit për deputetitn tjeter ?rilindas? Mark Frroku, e meqe jemi ketu, edhe për mosndalimin e trafikantit të drogës që ndodhej në makinen e tij këtu e 2 vjet më parë.

Nuk permenden as prokurorët e gjyqtarët që nuk procedojne penalisht dhe lënë të lirë nëpër rrugët e Tiranes, ministrin që ka për detyrë të mos ?lejojë kriminelë të mirënjohur të bredhin lirshem e të paprekshem në Tirane?, siç po e thonë qartazi përfaqësuesit më të rendesishëm të partnereve euro-atlantike.

Për këto arsye, lista e publikuar sot është një listë inkuizitore, jo me gjyqtare e prokurore të korruptuar, por me gjyqtare e prokurore që nuk i pëlqejnë qeverise, sepse me sa duket kane bërë ?çudira pa leje?!

Disa të tjerë, me të dhëna të njëjta, madje shume, shumë më të renda, nuk permenden, sepse ?çudirat? i bëjnë ?me leje dhe miratim?.

Këta të fundit, me sa duket, në projektin e qeverisë janë programuar të drejtojne, drejtësine ?e reformuar? me votat e krimineleve që Qeveria ka sjelle ne Kuvend, dhe, për këtë arsye ?madhore? i mbron me ?çudirat? që prodhon pjesa më e felliqur e sistemit të drejtësisë.

Ajo e korruptuara edhe politikisht.

Ajo që i bën qokat Qeverise, duke dënuar deputetet e opozites që denoncojnë kriminalizimin e çdo qelize të shtetit prej qeverise dhe ministrave të kapur në flagrance me krimin.

Të nderuar qytetare!

Mbajini shenim keto bëma, gjëma dhe emrat përkatës për ditën e shpagimit që po afron! Ditën e ngadhnjimit të shtetit mbi krimin.