web counter
LEXO PA REKLAMA!

SHKARKO APP

App Store
Google Play

E fundit!

x

Bregu kujton Olldashin: Këtu: ose ne, ose kriminelët!

27 Nëntor 2015, 16:18, Politikë CNA

Duket se deklaratat e llojit “mea culpa” të deputetit socialist, Ben Blushi, kanë ndikuar fort te deputetja e PD-së, Majlinda Bregu. Kjo e fundit ka përqafuar mendimet dhe vlerësimet e kolegut të saj lidhur me mënyrën se si po punon parlamenti shqiptar.

Për të, politika e kryetarëve që nuk lejojnë demokracinë e brendshme, dëmton sistemin. ?Nuk kishin marrë peng vetëm parlamentin apo maxhorancën deputetet me të kaluar kriminale. As ata që drejtojnë bashki sot dhe do të preken nga ky ligj, s?kanë marrë peng bashkitë e pushtetin lokal. As ata që janë në administratë s?kanë marrë peng administrimin e këtij vendi. Jo. Por të gjithë bashkë, së pari nga kryetarët e këtyre partive që u investuan fort për ta lidhur krimin me politikën, kanë marrë peng politikën. Ose më saktë besimin te politika?, – tha Bregu.

Ajo kujtoi në parlament të ndjerin Sokol Olldashi dhe fjalimin e tij të fundit në atë foltore, që ishte pikërisht për dekriminalizimin. ?Kaloi në heshtje gati edhe blerja e votave në Korçë, dy muaj pasi kishit ardhur ju në pushtet. Ju kujtohet besoj fjalimi i fundit i Sokol Olldashit, kur tha këtu ka vend ose për ne ose për kriminelët. Të dyja palët bashkë nuk mund të rrinë?, – shtoi deputetja Bregu.





Lajmet e fundit nga