web counter
LEXO PA REKLAMA!

SHKARKO APP

App Store
Google Play

E fundit!

x

Rama takon kryeministrin kinez Li Keqiang: Nxitje e projekteve të përbashkëta

26 Nëntor 2015, 11:12, Politikë CNA

Kryeministri Edi Rama zhvilloi sot, një takim  me Kryeministrin Li Keqiang, me të cilin bisedoi mbi zhvillimin e marrëdhënieve mes Shqipërisë dhe Kinës gjatë dy viteve të fundit, si dhe për nxitjen e mëtejshme drejt konkretizimit të projekteve të përbashkëta që kanë mbështetjen e të dy qeverive.

Kryeministri nënvizoi si një moment të rëndësishëm të vizitës firmosjen trepalëshe të Marrëveshjes së Mirëkuptimit mes ministrave të Transportit të Shqipërisë e të Malit të Zi dhe Presidentit të Pacific Construction, për ndërtimin e Korridorit të Kaltër. Në këtë marrëveshje do të përfshihen në vijim edhe Bosnja e Kroacia si palë të interesuara për projektin.

Tjetër moment i bashkëbisedimit ishte finalizimi i negociatave për të filluar punimet në rrugën e Arbrit, si edhe mbështetja kineze për Parkun Industrial në Zonën e re Ekonomike të Durrësit, për të cilin Kryeministri Li Keqiang u angazhua të nxisë përfshirjen e sa më shumë kompanive kineze në jetësimin e Parkut, ku parashihet krijimi i 30 mijë vendeve të reja pune. Kryeministri Li Keqiang nënvizoi po ashtu se qeveria e Kinës është e gatshme të mbështesë zhvillimin e infrastrukturës portuale në Shqipëri.

 





21:53 Politikë

Sherr në PS

Ish-kryeministri Sali Berisha. ne nje postim ne rrjetet soci...

Lajmet e fundit nga