E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Dekriminalizimi/ Basha u bën thirrje deputetëve: Votojeni! Filtër i pakalueshëm për krimin drejt vendimmarrjes

25 Nëntor 2015, 13:43, Politikë CNA

Kryetari i Partisë Demokratike Lulzim Basha, duke folur në mbledhjen e radhës të grupit parlamentar demokrat, bëri një pasqyrim të situatës sipas tij alarmante që po mbizotëron në vend, sa i përket pranisë së elementëve të inkriminuar në politikë e vendimmarrje.

?Rreziku dhe drama më e madhe për një vend është lartësimi i krimit me status të privilegjuar, që sundon sot Shqipërinë. Krimi në pushtet është kthyer tashmë në sistem, përmes emërimit të trafikantëve, vrasësve, tutorëve, në funksione politike e administrative të të gjitha niveleve?, tha Basha

Nga ana tjetër, kreu i PD-së, u bëri thirrje deputetëve të Kuvendit të Shqipërisë që të votojnë projektligjin që u dorëzua në parlament. Sipas tij, politikëbërësit në këtë rast duhet të japin një shembull; largimi i personave të inkriminuar nga postet publike.

?Kjo është betejë që e fituam me qytetarët tanë. bashkë me miqtë dhe partnerët tanë, SHBA dhe BE që reaguan me ndjeshmëri të lartë, nxori në pah punën e opozitës. Në emër të PD dhe opozitës, dhe emrin tim i falënderoj nga zemra të gjithë ata që kontribuon. Ju bëj thirrje deputetëve që të japin miratimin e tyre për testin e drogës. Politikëbërësit duhet të japin shembull. Vetëdija jonë për vërshimin e personave me rekorde kriminale në administratë nuk shkrepi një ditë të bukur. U kërcënuan nga një rrezik i madh. Ky është krimi në sistem. Përmes promovimit të personave me rekorde kriminale në institucione shtetërore dhe poste publike. Familja, prindit shqiptarë investojnë shumë për shkollimin e fëmijëve. krimi në sistem është mohimi më brutal i këtij investimi. Krimi në sistem e shumëzon me zero dijen, është fundi për gjithçka. Në Shqipërinë e ditëve tona nuk është më hipotetik, por real.?, tha Basha.

Kryedemokrati i bëri sërish thirrje qytetarëve t?i bashkohen protestave të opozitës më 8 dhjetor në Tiranë.
Gjatë fjalës së tij para deputetëve në mbledhjen e grupit parlamentar, Basha ka theksuar se ora po thërret shqiptarët të bashkohen për të marrë në dorë fatet e vendit dhe për të sjellë ndryshimin që
meritojnë.
?Zgjidhja vjen me largimin e qeverisë. Thirrja për bashkim në 8 dhjetor, në marshimin e dëbimit të regjimit është mirëpritur nga gjithë ata shqiptarë që e kanë identifikuar të keqen me Ramën dhe qeverinë e tij, ata janë në këmbë e të gatshëm për lëvizjen e madhe, ashtu si në dhjetorin e 25 viteve më parë ora po i thërret shqiptarët për t?u bashkuar, për të sjellë ndryshimin e merituar, për një stad të ri të demokracisë, krijimin e mundësive për të gëzuar frytet e lirisë dhe zhvillimit? tha Basha.