web counter
LEXO PA REKLAMA!

SHKARKO APP

App Store
Google Play

E fundit!

x

Historia e Samra/ U vra nga xhihadistët se donte të linte ISIS

26 Nëntor 2015, 07:42, Sociale CNA

Samra Kesinoviç, 17-vjeçarja austriake që iu bashkua radhëve të ISIS-it, është rrahur për vdekje nga xhihadistët, pasi ishte përpjekur të largohej nga Raka, kryeqyteti i Shtetit Islamik në Siri.

Semra 1Së bashku me mikeshën e saj, Sabina Selimoviç, 15 vjeçe, vajza kishte mbërritur në Siri vitin e shkuar dhe ishte shfaqur në foto të ndryshme propagande si simbol grave të Shtetit Islamik. Më pas dy adoleshentet ishin penduar dhe po përpiqeshin të ktheheshin në Vjenë.

Semra 2Samra Kesinoviç e Sabina Selimoviç, me origjinë boshnjake myslimane, ishin arratisur nga Vjena në prill 2014, sepse ?donin të vdisnin për Allah?. Pasi mbërritën në Siri, dy vajzat ishin martuar dhe ishin bërë imazhi i ISIS-it , duke u shfaqur në foto të ndryshme të hedhura në rrjetet sociale, të lumtura dhe të kënaqura me jetën e re. Imazhet i tregonin me vello dhe të rrethuara nga njerëz të armatosur.

Semra 3Në tetor të vitit të shkuar pak muaj pas zbarkimit në Raka, adoleshentet kishin kontaktuar me prindërit e tyre, sepse ishin penduar që iu ishin bashkuar xhihadistëve dhe donin të ktheheshin në shtëpi. Vajzat nuk duronin dot më vrasjet dhe dhunën e shkaktuar nga Shteti Islamik. Por Austria nuk kishte pranuar që dy vajzat të riktheheshin në atdhe, sepse imazhi i tyre ?ishte kompromentuar shumë?.

Semra 4Lajmin e vdekjes së Samra Kesinoviç, sipas asaj që lexohet në shtypin anglez dhe austriak, e ka dhënë një grua tuniziane, e cila ka jetuar me dy vajzat në Raka dhe që ka arritur të arratiset nga tmerri i ISIS-it. Autoritetet qeveritare austriake, nuk kanë dashur të komentojnë mbi lajmin./Shqip





Lajmet e fundit nga