E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Vijnë si turiste, por 10 vajza nga Kosova përjetojnë tmerr në Shqipëri

19 Nëntor 2015, 08:21, Aktualitet CNA

10 vajza nga Kosova kanë përjetuar një ditë tmerri në Shqipëri. Ata kanë shkuar për të drekuar në një nga restorantet e Lezhës, por kthimi ka qenë një makabër në vete. Një person i armatosur gjatë rrugës së kthimit ka tentuar t?i hypë në makinë duke trokituar në xham dhe më pas ka tentuar të hapë dyert që kanë qenë të mbyllura. Personi më pas ka qëlluar me armë zjarri në ajër . Vajzat nuk kanë ndaluar dhe kanë ikur me shpejtësi.

Ato shpjegojnë se kanë shtuar shpejtësinë të tmerruara, ndërkohë që pas tyre ishte mjeti me të cilin lëviznin pjesa tjetër e grupit të tyre. ?Secila nga ne filluam të telefononim dikë. Njëra telefonoi policinë e Lezhës, tjetra lajmëroi veturën pas nesh që të vozisnin me shpejtësi dhe të mos ndaleshin në asnjë mënyrë askund, madje as edhe Policisë. Telefonuam edhe të afërmit në Prishtinë që të merrnin rrugën për në kufi?, thuhet më tej në rrëfimin e të dëmtuarave.

Sipas tyre, edhe grupi tjetër i vajzave kanë ecur me shpejtësi me qëllim që të dilnin në rrugën kryesore pasi ishin ende në rrugët e errëta të fshatit Fishtë. Gjatë kësaj periudhe, ato kanë parë personin me motoçikletë, i cili u bënte me drita që të ndalonin veturën. Por, meqë vajzat ishin vënë në dijeni nga grupi që ecte para tyre se çfarë po ndodhte, ato kanë shtuar veç shpejtësinë pa u ndalur.

Grupi i dytë i vajzave është ndaluar nga policia e Lezhës dhe nuk është lejuar të lirohet, ndërsa vajzave i është thënë që të ktheheshin përsëri në Komisariatin e Lezhës, por ata nuk janë kthyer nga frika. Më pas kanë mbërritur në pikën kufitare të Kukësi dhe aty kanë tentuar të bisedojnë me policinë e Lezhës, me ambasadën e Kosovës në Shqipëri dhe me shoqet e tyre. Nga vajzat i është kërkuar Policisë së Lezhës që t?i përcillnin shoqet deri në kufi, por uniformat blu nuk e kanë bërë dicka të tillë. Ndërsa, efektivi që i ka marrë dëshminë nga policia e Kukësit e ka cilësuar agresorin si një person ?që ka pirë disa gota dhe në fund e ka dominuar alkoli? dhe i ka thënë vajzave ?që të mos e bëjnë kaq të madhe?.