web counter
LEXO PA REKLAMA!

SHKARKO APP

SKANDALI/ Ja si hidhen mes katër rrugëve punonjësit e spitaleve

18 Nëntor 2015, 18:27, Aktualitet CNA

Shkresa famëkeqe e Ministrit të Shëndetësisë që po heq nga puna në çdo spital rrethi deri në 60 punonjës, dhe QSUT deri në 600 persona. Në disa spitale rrethi detyron edhe mbylljen e shërbimeve dhe vetë spitalit.

Hiqen nga puna sanitare, staf mbështetës, infermierë e staf tjetër mjekësor që kanë vite e vite pune dhe një pjesë janë edhe në prag pensioni, duke ju shkaktuar këtyre jo vetëm një traumë sociale që i lë pa bukën e gojës, por duke ju shkaktuar edhe stres dhe probleme shëndetësore.
Nuk zbatohet e drejta e njoftimit/paralajmërimit minimumi 3-mujor, e drejtë që ia jep Kodi i punës dhe ligji.
Ministri Beqaj ka ndërmend që ta shkatërrojë çdo ditë e më shumë shëndetësinë tonë, çdo ditë e tij në krye të atij institucioni është rrënim total i sistemit shëndetësor, denigrim i punonjësve që punojnë në shëndetësi dhe atyre profesionistëve të rinj që kërkojnë të punësohen.
Më keq akoma këtë rrënim të shëndetësisë tonë publike e has popullata çdo ditë që nuk po e merr shërbimin shëndetësor të duhur dhe të merituar si kontribues prej vitesh me sigurimet shëndetësore të mbajtur nga paga./ Marrë nga Kolegji i Mjekëve Shqiptarë





Lajmet e fundit nga