web counter
LEXO PA REKLAMA!

SHKARKO APP

App Store
Google Play

Durrës/ Pacientët protesta për monopolin e metadonit

19 Nëntor 2015, 21:22, Aktualitet CNA

Duket se mungesa e metadonit nuk është problem vetëm për pavionin e toksikologjisë në Tiranë.

Ky medikament është kthyer në një shqetësim serioz edhe për pacientët e Durrësit. Sot, ata nuk kanë mundur që të kryejnë terapinë, për shkak të kësaj mungese. Në kushte të tilla pacientët dhe familjarët e tyre kanë reaguar me protesta.

?Të rinjtë kanë patur kriza. Medikamenti nuk gjendet në farmaci?, shprehen familjarët.

Terapia me metadon ofrohet për përdorues me karrierë të gjatë të përdorimit të drogave, venat e të cilëve janë të dëmtuara dhe më gjendje shëndetësore të rëndë. Përveç Tiranës terapia me metadon është shtrirë dhe në rrethe të tjera si: Durrësi, Elbasani, Korça, Vlora dhe Shkodra.

Gazeta Shëndet plus ka ngritur disa muaj më parë shqetësimin e mungesës së medikamenteve dhe kushteve në toksikologjinë e Tiranës, ku pacientët detyroheshin ti gjenin medikamentet jashtë spitalit në rrugë alternative.

Pas kësaj i menjëhershëm ishte reagimi i mjekëve të cilët u shprehën se metadoni nuk blihet në farmaci. Sigurisht që ky reagim ngjalli pikëpyetje të tjera si dhe zhvendosi temën në një tjetër terren, edhe me problematik: Kush i menaxhon këto mundësitë ?alternative? të gjetjes së metadonit?/Shendet+





Lajmet e fundit nga