web counter
LEXO PA REKLAMA!

SHKARKO APP

App Store
Google Play

E fundit!

x

Vizita në Turqi/ Rama: Erdogani na vlerësoi për reformat dhe punën e policisë

19 Nëntor 2015, 20:52, Aktualitet CNA

Kryeministri Edi Rama shprehet se në takimin që ka zhvilluar në Turqi me Presidentin Recep Tayyip Erdogan, ky i fundit ka çmuar punën e Policisë së Shtetit shqiptar në luftën kundër krimit dhe trafikut të drogës si dhe një sërë reforma të ndërmarra nga qeveria. Përmes një postimi në rrjetin social Facebook, Rama shkruan se së shpejti do të kryhen investime turke në vendin tonë për të fuqizuar infrastrukturën shëndetësore dhe arsimore përmes partneriteteve publike private.

Postimi i Kryeministrit Edi Rama

Sot në Stamboll me Presidentin turk Recep Tayyip Erdogan. Në qendër të bisedës ishte situata e sigurisë në rajon, si pjesë e sfidës së përbashkët kundër terrorizmit, kriza e refugjatëve sirianë si pasojë e përshkallëzimit të konfliktit në atë vend, si dhe nevoja për të zhvilluar më tej marrëdhëniet e shkëlqyera mes dy vendeve.

Presidenti Erdogan çmoi lart punën e Policisë së Shtetit shqiptar në luftën kundër krimit dhe trafikut të drogës, suksesin e veçantë të Shqipërisë në reformën e energjisë, betejën për formalizimin e ekonomisë, si edhe në tërësi kurajën e qeverisë shqiptare për reformat e mëdha që e kanë futur Shqipërinë në rrugën e ndërtimit të një shteti serioz.

Tema e zhvillimit të sektorit të ujit zuri një vend të veçantë. Presidenti Erdogan siguroi mbështetje të posaçme për Shqipërinë me programe konkrete investimesh, qoftë për ujin e pijshëm dhe qoftë për ujitjen e kullimin në zonat bujqësore. Po ashtu u përcaktuan një sërë veprimesh konkrete për të fuqizuar infrastrukturën shëndetësore dhe arsimore përmes partneriteteve publike private.

 

 





Lajmet e fundit nga