E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Bashkia Korçë bën punën e privatit/Ku shkojnë milionat e pastrimit?

19 Nëntor 2015, 18:51, Aktualitet CNA

Bashkia Korçë ka njoftuar në rrjetet sociale se nesër do ndërmarë një aksion si në kohën e diktaturës, ku qytetarët dhe institucionet do dalin ?vullnetarisht? për të pastruar. Dikur me aksione, por edhe sot me aksione, atëherë në diktaturë gjithcka ishte publike, të gjithë dhe askush pronar, sot gjërat janë krejt ndryshe.

Banorët e Korçës janë taksa-paguesit më të rregullt në vend. Ata paguajnë cdo detyrim dhe arka e bashkisë është plot. Korçaret dhe korcarët si nikoqirë të mirë, paguajnë se pari dritat, ujin dhe taksat e më pas fillojnë pazarin për shtëpinë.

Ende pastrojnë sokakët dhe sofatet përpara shtepive. Kjo kulturë në Korçë nuk vdes kurrë. Pra dhe firma që pastron nuk bën ndonjë punë edhe kaq të madhe.

Përballë kulturës së qytetarëve qëndron skandali i bashkisë. Janë qindra milionë lekë nga taksat e korcarëve që prej dhjetra vjetësh mbushin xhepat e Maksi Fejzullait, ose Maksit të plerave, i cili pastron qytetin. Është po ai Maksi që nuk pastroi rrugët nga debora dhe qindra
qytetarë përfunduan me fraktura në spital. Firma e Maksit të plerave, merr nga taksat e qytetarëve të Korçës, jo miliona por qindara milionë lekë cdo vit për të pastruar qytetin. Sot ai është një biznesmen i pasur, me prona dhe të ardhura disa million dollarë. Të gjitha këto vetëm nga biznesi i pastrimit, gjithcka e filluar në Korë dhe zgjeruar më tej në disa qytete të tjera. Suksese në biznes, por jo në kuriz të korcarëve.

Korçarët paguajnë taksat, Maksi i plerave merr lekët, por ata prapë duhet të dalin të pastrojnë si në kohën e diktaturës me iniciativë të bashkisë. Po taksat që ata paguajnë dhe milionat që jep Bashkia e Korçës ku shkojn filos ë? Në xhepat e Maksit, të Sotiaq Filos apo ndonjë tjetri?

Iniciativat për pastrimin e qytetit vijnë atëherë kur qyteti ka problematika të akumuluara, dhe në rast se ka të tilla, përgjegjës për to është firma e Maksi Fejzullait që prej shumë vitesh fiton miliona nga pastrimi i qytetit. Korçarët paguajnë taksat dhe duan një qytet të pastër, jo lekët e tyre ti marë Maksi apo kë ?vajis? ai në Bashkinë Korçë. Kur qytetarët paguajnë taksat, qytetin e pastron firma që ka fituar tenderin dhe merr qindara milionë lekë, dhe jo qytetarët apo punonjësit e administratës. Aksione të tilla pseudo vullnetare si ato në kohën e diktaturës nuk bëjnë gjë tjetër vec se i pakësojnë punën firmës së pastrimit dhe i mbushin xhepat Maksit dhe ortakëvë të tij në bashkinë Korçë.