web counter
LEXO PA REKLAMA!

SHKARKO APP

App Store
Google Play

E fundit!

x

Greta Koçi tërhiqet nga gara për kreun e FRPD

16 Nëntor 2015, 14:44, Aktualitet CNA

Një nga kandidatet për kreun e Forumin Rinor të Partisë Demokratike, Greta Koçi, ka bërë një hap prapa duke hequr dorë kjo garë.

Greta Koçi e ka drejtuar FRPD-në për katër vite dhe arsyeja e tërheqjes së saj nga gara ka qenë rezultati i djeshëm në zgjedhjet që u zhvilluan në qytetin e Vlorës. Burime për citynews thanë se tërheqja e saj nuk lidhet me rezultatin e dobët që arriti në Vlorë por nga manipulimi i garës.

Përpara se Koçi të merrte vendimin e dorëheqjes, ajo ka kontaktuar me kreun e Partisë Demokratike, Lulzim Basha, të cilit i ka shprehur vendimin e saj për tu tërhequr për shkak se në zgjedhjet për kreun e FRPD-së, nuk po votojnë të rinjtë demokratë, por persona të rekrutuar nga call center, të rinjtë e PS-së, LSI-së, PDIU-së, si dhe te rinj të cilëve u janë premtuar diploma në UET nga kandidati Ervin Salianji.

Më herët, citynews ka denoncuar skandalet që lidheshin me zgjedhjet për kreun  e FRPD-së, ku qindra të rinj nga partitë e tjera si PS, LSI, PDIU dhe aleatët e tyre janë anëtarësuar në PD për të manipuluar zgjedhjet.  Gjithashtu, anëtarësimet online pranë Partisë Demokratike nuk kanë qenë gjë tjetër vetëm një mënyrë për të afruar pranë partisë persona që nuk kanë asnjë lidhje por që do të shfrytëzohen për të votuar në zgjedhjet e kreut të FRPD-së.

Në krahun tjetër, kandidati Ervin Salianji, ka rekrutuar në parti studentë të UET si dhe të rinj të tjerë duke i premtuar bursa studimi në UET.

Këto kanë qenë arsyet që kandidatja Greta Koçi është tërhequr nga gara, ndërsa Partia Demokratike, e vendosur përballë këtyre fakteve nuk ka bërë asnjë veprim për të minimizuar manipulimin në zgjedhjen e kryetarit të ri të FRPD-së.





Lajmet e fundit nga