Militantët e Rilindjes të papunë/ Administrata mbushet me kushërinj dhe dashnore ministrash

15 Nëntor 2015, 08:51, Aktualitet CNA

Akuzat se socialistet kane braktisur bazen e tyre vazhdojne te thellohen. Baza e PS-se e shikon veten larg punesimeve dhe deputetet apo ministrat nuk kujdesen per ti ndihmuar. Me shume sesa per militantet dhe strukturat e partise ata mendojne per rrethin e tyre familjar, shoqerine dhe dashnoret. Gazeta SOT, ka publikuar një shkrim në të cilin ka denoncuar abuzimet me emërimet në administratën shtetërore, ku në një numër i madh personash, të afërm me ministra dhe deputetë janë punësuar me patëdrejtë. Kjo ka bërë që militantët e Partisë Socialiste të mbeten ende në pritje për një vend pune.

Në këtë shkrim thuhet se sëmundja e emërimeve klienteliste në administratën publike, e trashëguar nga qeveria dhe filozofia e qeverise te shkuar qe kanë infektuar frikshëm pushtetin aktual. SOT kerkon ta njehesoje kete fenomen, por ajo qe bashkon socialiste me demokratet eshte LSI-ja dhe jo vetem filozofia e punesimeve.

Njehsimi i PD me administratën dhe dorëzimi i emërimeve familjare e jo profesionale në administratë, ishte boshti i fushatës së socialistëve për të ardhur në pushtet, theksohet ne shkrimin e te perditmesh SOT, e cila kerkon qe PS-ja te heqe demokratet nga administrata dhe ti zevendesoje me militante socialiste. Nderkohe ata te LSI-se duket te jene me rehat.

Por dy vjet më vonë kemi një realitet më të frikshëm. Përpos emërimeve të shumta familjare përgjatë dy viteve të fundit, në administratë janë katapultuar që nga njerëzit e krimit, e deri tek të dashurat e ministrave, theksohet ne shkrim.

Sipas SOT, socialistët në masën 80 për qind vijojnë të enden rrugëve, ndërsa në vend të tyre vegjetojnë në administratë një rreth i gjerë që nuk ka lidhje me PS. Por edhe ata pak persona që janë emëruar, janë shumica njerëz të afërm të ministrave, deputetëve, drejtorëve, apo zyrtarëve të tjerë të nivelit të lartë.

Që kur qeveria ?Rama? mori pushtetin, ka pasur me dhjetëra debate dhe akuza për emërime nepotike në administratë. Demokratët kanë akuzuar ministra e deputetë se kanë futur familjarë në shumë institucione. Nga ana tjetër, këta të fundit janë kundërpërgjigjur se dhe PD ka bërë batërdinë kur ishte në qeveri.