web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori Tola: Nuk ka asnjë shqiptar të lënduar në Paris

15 Nëntor 2015, 07:25, Aktualitet CNA

Ambasadori i Shqipërisë në Francë, Dritan Tola përshkruan situatën në të cilën ndodhet kryeqyteti francez.

Ai shprehet se nuk ka asnjë raportim për shqiptarë të lënduar në këto sulme.

Tola tregon gjendjen në të cilën ndodhet Franca në këto momente.

?Ka një situatë frike dhe pse tani pasdite në rrugë ka më shumë njerëz sesa kishte gjatë paradites. Përjetohet një atmosferë e rënduar psikologjike te qytetarët, ka një përzierje mes frikës dhe dhimbjes, bëhen homazhe në pikat ku kanë ndodhur atentatet, por dhe një lloj revolte për të mos u thyer nga kjo goditje dhe për ta përballur?.

Ambasadori ka njoftuar  se nuk ka ndonjë shqiptar të lënduar nga ngjarjet.

?Deri tani që flasim, nuk kemi asnjë raportim për shtetas shqiptarë të dëmtuar në këto ngjarje. Sapo dola nga një takim në Ministrinë e Brendshme franceze, pavarësisht se lajmet janë të vështira sa i takon konfirmimit dhe verifikimit të viktimave. Kisha kolegë aty nga vende të tjera që kërkonin saktësime të identitetit të shtetasve të tyre me sa më shumë elementë për të qenë të sigurt para se të raportonin listat e tyre. Edhe pse vend i fuqishëm nga të gjitha drejtimet, procesi i identifikimit të viktimave kërkon kohën e saj, edhe për shkak të numrit të madh të tyre?, përfundon Tola.





Lajmet e fundit nga