web counter
LEXO PA REKLAMA!

SHKARKO APP

App Store
Google Play

E fundit!

x

Nju Jork/ DEA arreston me 800 kilogramë kokainë të afërmin e presidentit venezuelian Maduro

12 Nëntor 2015, 08:21, Kosova & Bota CNA

Dy persona, njëri prej të cilëve ishte pagëzuar nga presidenti venezuelian, Nicolas Maduro dhe tjetri, nip i bashkëshortes së tij, Cilia Flores, u arrestuan nga Agjencia Amerikane e Antidrogës (DEA), në Port-o-Prins, Haiti, ndërkohë që shkarkonin 800 kilogramë kokainë, sipas burimeve që përputhen, të shpërndara nga media.

Njoftimi është shpërndarë fillimisht nga e përditshmja spanjolle ?Abc? dhe nga gazetari Casto Ocando dhe më pas është konfirmuar nga gazeta ?Wall Street Journal?.

Sipas të gjitha burimeve, dy venezuelianët do të dalin sot para një gjykate në Nju Jork.

Bëhet fjalë për Efrain Antonio Campo Flores, i pagëzuar nga Maduro, dhe Francisco Flores de Freitas, nip i bashkëshortes së tij.

Që nga tetori, dy personat kishin negociuar me një narkotrafikant honduras, i cili ishte në të vërtetë bashkëpunëtor i DEA-s, për dërgimin e drogës në SHBA.

Cilia Flores, përveç se ishte bashkëshorte e Maduros, ka qenë edhe kryetare e parlamentit njëdhomësh venezuelian.

Arrestimi i dy të afërmve të Maduros risjell versionin e ekzistencës së një rrjeti narkotrafiku brenda qeverisë venezueliane, hipotezë e hedhur nga Leamsy Salazar, ish-shef i sigurisë së drejtuesve venezuelianë, i cili janarin e kaluar mori strehim politik në SHBA.





Lajmet e fundit nga