web counter
LEXO PA REKLAMA!

SHKARKO APP

App Store
Google Play

Zbulohet plani sekret i Rusisë/ Ja si do ta rikthejë paqen në Siri

11 Nëntor 2015, 11:29, Kosova & Bota CNA

Rusët kanë publikuar një dokument, i cili  po qarkullon në Kombet e Bashkuara, ku propozohet një proces i reformës kushtetuese në Siri. Mësohet se ky proces do të zgjasë 18 muaj, për t’u pasuar me zgjedhjet e parakohshme presidenciale.

Në dokument nuk përcaktohet qartë se deri kur presidenti Bashar al-Assad do të qëndrojë në pushtet. Në të përcaktohet se disa grupe opozitare siriane duhet të marrin pjesë në bisedimet kyçe mbi krizën, takim që do të mbahet në Vjenë, këtë të shtunë.

Rreth 20 vende dhe grupe ndërkombëtare pritet t?i ndjekin këto bisedime që objektiv kryesor kanë armëpushimin midis forcave të Assadit dhe atyre opozitare.   Sipas dokumentit, procesi i reformës do të udhëhiqet nga një kandidat, për të cilin bien dakord të gjitha palët.

Ndërkohë që raportohet se ushtria siriane ka thyer një rrethim në veri. Njësitë ushtarake kanë rënë në kontakt me trupat mbrojtëse në bazën ajrore në Kuvajt, në lindje të Aleppos. Agjencia e lajmeve Sana bën me dije se këto grupe kanë eleminuar një numër të lartë të militantëve të shtetit islamik.

Zëdhënësi i Ministrisë së Jashtme Ruse tha se prioritet i takimit të së shtunës së ardhshme do të jetë krijimi i grupeve opozitare të cilët do të konsiderohen si partnerë në këtë proces. / Sot





Lajmet e fundit nga