web counter
LEXO PA REKLAMA!

SHKARKO APP

App Store
Google Play

E fundit!

x

Shkatërroi pronën publike/ Prokuroria kërkon 1 milion lekë gjobë për Astrit Veliaj

10 Nëntor 2015, 13:18, Aktualitet CNA

Prokuroria e Përgjithshme ka kërkuar nga deputeti demokrat, Astrit Veliaj, 1 milion lekë te reja gjobë, i cili ndodhet nën akuzë për prishje të pronës publike. Kolegji Penal i Gjykatës së Lartë do të marrë vendim për deputetin më 20 nëntor, ndërsa i pranishëm në sallë Veliaj kërkoi pafajësi, duke e quajtur të pabazuar pretencën e prokurorit Altin Binaj.

Deputeti Veliaj akuzohet se ka prishur një godinën e ish-drejtorisë së Policisë së Fierit për të ndërtuar universitetin privat “UFO” në këtë qytet. Vetë deputeti i djathtë thotë se kjo ndërtesë është hequr prej vitesh nga lista e pronave shtetërore e Ministrisë së Brendshme.

Veliaj u mor si i pandehur 8 muaj më parë, fillimisht me akuzën e ndërtimit të paligjshëm dhe prishjes së pronës publike, por pas amnistisë për ndërtimet pa leje, prokuroria mbeti përballë Gjykatës vetëm me një akuzë, atë të shkatërrimit të pronës.

Objekti 4 katësh i universitetit me një kullë në mes, të tipit ?Shtëpia e Bardhë?, është ndërtuar pa pasur lejen ndërtimore të lëshuar nga Bashkia e Fierit.

Ndërkohë procedura e shembjes së godinave me vlerë 104 milion lekë të vjetra, që kanë qenë pronë e ministrisë së Brendshme dhe tjetërsimi i truallit ka ndodhur gjatë periudhës kur ministër i Brendshëm ishte Flamur Noka.





Lajmet e fundit nga