E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shthurret QSUT/ Pas citostatikëve mungojnë dhe ilaçet për zemrën dhe diabetin

10 Nëntor 2015, 07:51, Aktualitet CNA

Pas citostatikëve për sëmundjet tumorale, në Qendrën më të madhe Spitalore ?Nënë Tereza? mungojnë edhe ilaçet bazë për sëmundjet e zemrës dhe diabetin. Barnat si atenalol, enalapril, corvitol dhe berlipril që mjekojnë disa sëmundje të zemrës dhe diabetit i mungojnë QSUT, ndërsa pacientët janë të detyruar t?i blejnë me çmim të shtrenjtë në farmaci. Por, më keq akoma, pacientët shpeshherë nuk i gjejnë as në farmaci dhe janë të detyruar t?i zëvendësojnë me një bar alternativ. Këto barna futen në listën e barnave të rimbursueshme, me çmim të ulët, por shpesh herë i mungojnë farmacive.

Kompanitë nuk kanë interes që të furnizojnë farmacitë me barna të rimbursueshme, pasi janë me çmim të ulët. Për shkak të këtij pazari me jetën e njeriut, janë pacientët ata që sorrollaten për të gjetur barin e jetës. ?Jam 68 vjeç dhe është turp që unë të vij vërdallë për të blerë ilaçet e diabetit. Nuk ka në asnjë farmaci. Më tha farmacistja këtu te spitali, se vijnë maksimumi për 1 javë. Pse duhet të vijnë për 1 javë? Nuk është hera e parë që ndodh kjo gjë. A ka shtet apo jo? A pret sëmundja kur të vijnë ilaçet!??, shprehet një pacient, i cili vuan nga diabeti dhe zemra. Një tjetër pacient shprehet se duhet të mbajë radhën në QSUT, për të blerë medikamentin që i nevojitet. ?Në spital nuk ka ilaçe. Jam e sëmurë me zemër. Duhet të regjistrohem në spital dhe të pres radhën kur vijnë ilaçet. Si unë ka plot. Mos të zëntë halli të vish këtu?, u shpreh një tjetër paciente. E njëjta problematikë është edhe për pacientët e shtruar në spital. ?Pothuajse të gjitha ilaçet i kemi blerë vetë. Kam shtruar burrin në repartin e kardiologjisë po asnjë prej ilaçeve që më shkruajti doktori në recetë nuk është në spital. Kur i pyeta pse nuk kanë, infermieret mu përgjigjën se nuk na ka ardhur furnizimi?, tregon një qytetare. Mungesa e ilaçeve shoqërohet me kosto të lartë. ?Ilaçet e recetës që më dha doktori kushtoni 72 mijë lekë (të vjetra). Ne mezi kthehemi, tani duhet të blemë edhe ilaçet. Këtu përveç mjekëve nuk ka asgjë tjetër?, thotë qytetarja.

Mungesa e ilaçeve të urgjencës

Në qendrën më të madhe spitalore në kryeqytet mungojnë edhe ilaçet e urgjencës, si lasix, adrenalinë, atropinë, papaverinë, analginë, voltaren, glukozë, valium, ultrakorten etj. Përpos mungesës së ilaçeve bazë, në urgjencë nuk ka krevate dhe dhoma për të sëmurët. Në urgjencën e QSUT pacientët i sheh korridoreve dhe jo në dhoma. Madje, në dhoma sheh nga 4 pacientë, ndërkohë që në një dhomë duhet të jenë vetëm 2 pacientë. Pra, përpos ilaçeve, edhe infrastruktura është në ditët e saj më të këqija. Për më tepër, pacientët duhet të durojnë edhe diskriminimin e mjekëve. Mjekët nuk ushtrojnë të njëjtin trajtim për pacientët nga zonat rurale, krahasuar me ata nga zonat urbane. Evidenton dallime të mëdha në cilësinë dhe nivelin e trajtimit dhe kujdesit që ofrohet në varësi të vendit ku jetojnë pacientët, zona urbane në krahasim me zonat rurale si dhe varet nga kualifikimi, aftësitë dhe motivimi i personelit të punësuar në çdo qendër shëndetësore./ SOT