E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

“Dasma” risjell Angjelin Preljocajn në Tiranë

2 Nëntor 2015, 19:32, Kulturë CNA

Angjelin Preljocaj do të jetë në Tiranë këtë fillim nëntori me baletin ?Dasma?, interpretuar gati 20 vjet më parë, në vitin 1994 ne Teatrin Kombetar te Operas dhe Baletit.

Programi do të hapet me ?La stravaganza?, tashmë pjesë e repertorit te TKOB dhe që ka shënuar nisjen e një bashkëpunimi te sukseshëm me Kompanine e baletit Preljocaj dhe do të vazhdojë me pas me premierën e ?Dasma?. Për shkak të programit të ngjeshur, koreografi Angjelin Preljocaj do të jetë në Tiranë, ditën e shtunë datë 7 nëntor kur do të organizohet edhe nje konference për mediat, në oren 12.00. Të pranishëm përveç koreografit do të jenë përfaqësues nga Ambasada Franceze, Ministria e Kulturës, etj.

Angjelin Preljocaj ishte ne Tirane në maj te vitit të shkuar i cili prezantoi dy shfaqje ?La Stravaganza? dhe ?Royaume Uni?. Gati 20 vjet pas performancës së pjesës emblematike ?Dasma? në vitin 1994, Preljocaj preku me suskes sërish skenën e Teatrit të Operës dhe Baletit.

Baleti ?Dasma? , do të shfaqet 7, 8, 9 nëntor ne orën 19:00 , në Teatrin Kombëtar të Operas dhe Baletit .

Drejtori i TKOB. Ilir Kerni thotë se ?është e rëndësishme që vazhdojmë të bashkëpunojmë me Angjelin Preljocaj. Në nëntor ai vjen në Tiranë për baletin ?Dasma?. Në këtë mënyrë ne vulosim në teatrin tonë një tjetër bashkëpunim me një artist shumë të madh. Kjo është një pasaportë që e rendit teatrin tonë, ndër më seriozët në rajon dhe më tej?.

Prelocaj e përshkruan baletin ?Dasma? si një nga krijimet e tij,që është frymëzuar drejtpërdrejte nga trashëgimia e shqiptarëve. Ai është shprehur se: ?Baleti ?Dasma? që u realizua nga eksperienca ime nga ajo që unë kisha parë në dasmat që organizoheshin në familjen time, sidomos në Mal të Zi ku kam dhe anëtarë të familjes sime. Kjo është një vepër tërësisht shqiptare, por shqiptarizmi im mund të ndihet jo vetëm aty, por dhe në vepra të tjera të miat. Unë jam thellësisht i lidhur me vendin e origjinës çdo pjesë e imja e vënë në skenë në mënyrë direkte ose jo, reflekton brendinë time dhe origjinën time?.

Angjelin Preljocaj ishte ne Tirane në maj te vitit të shkuar i cili prezantoi dy shfaqje ?La Stravaganza? dhe ?Royaume Uni?. Angjelin Preljocaj, konsiderohet si një nga koreografët më të rëndësishëm në Francë. Ai ju bashkangjit Baletit të Operës Kombëtare të Paris në vitet ?90 dhe udhëheq Kompaninë e tij që prej 1985. Koregrafia e tij përshkruhet si interpretimin i baletit klasik dhe modern.

Angjelin Preljocaj ka lindur në Paris, por nuk harron kurrë të thotë se është shqiptar. Shtëpitë e tij janë: Balshoi Teatër- Moskë, La Scala-Milano, Opera Garnier-Paris, Opera gjermane e Berlinit, New York City Balet, etj. Preljocaj është koreografi i qindra mijëra duartrokitjeve për shfaqje si, ?Borëbardha?, ?Dasma?, ?Akrobati?, ?Katër stinët?, ?Pranvera? e Stravinskit.

Angjelin Preljocaj u lind në Francë nga prindër shqiptarë më 1957. Para se t?i futej kërcimit bashkëkohor, të cilin e studioi me Karin Waehner, filloi të studiojë balet klasik. Më 1980 shkoi të studiojë në Nju Jork me Zena Rommett dhe Merce Cunningham dhe një ndër mësuesit e tij ishte koreografja amerikane Viola Farber. U bashkua me Dominique Bagouet, para se të themelonte kompaninë e tij ?Ballet Prejlocaj? në dhjetor 1984. Koreografia e tij e parë për pjesën ?Tregu i zi? (Marche Noir) fitoi çmimin e Ministrisë së Kulturës në Francë. Më pas punoi për ?Lotët e Bardhë?. Më 1989, kompania e tij shndërrohet në Qendër Koreografike Kombëtare.

Produksionet e tij janë bërë pjesë e repertorit të shumë kompanive, si Baleti dhe Opera e Parisit, ?La Scala? e Milanos dhe Baleti i Nju Jorkut. Është nderuar me shumë çmime, duke përfshirë Çmimin e Madh Kombëtar të Dancit nga Ministria franceze e Kulturës në vitin 1992, ?Benois de la danse? për ?Le Parc? në vitin 1995, çmimin ?Bessie Award? për ?Annonciation? më 1997, ?Les Victoires de la musique? për ?Romeo dhe Zhuljeta? po më 1997, apo ?Globi i Kristaltë? për ?Borëbardhën? në vitin 2009. Për veprat e tij, i është akorduar titulli Kalorës, ndërsa në 1998 ka marrë titullin Kalorës i Legjionit të Nderit./ATA