web counter
LEXO PA REKLAMA!

SHKARKO APP

App Store
Google Play

Tiranë/ Policia sekuestron 9950 paketa cigare kontrabandë, 3 të arrestuar

28 Tetor 2015, 09:15, Kronika CNA

Policia e Tiranës ka arrestuar sot tre persona, pasi akuzohen për kryerjen e veprimtarive të paligjshme. Mësohet se kanë rënë në pranga shtetasit Agron Tice, 57 vjeç, lindur në Përmet, banues në Tiranë, Miranda Tice, 46 vjeç, lindur në Këlcyrë dhe banues në Tiranë, Ismail Xhengo, 49 vjeç, lindur  në Korcë, banues në Tiranë

Arrestimi i këtyre shtetasve u bë pasi specialistët e Seksionit për Krimin Èkonomik në Drejtorinë e Policisë Tiranë kanë marrë  informacion në rrugë operative, për veprimtarinë e kundraligjshme në fushën e kontrabandës së cigareve të kryer nga shtetasit Agron dhe Miranda Tice, të cilët kamuflonin veprimtarinë e tyre të kundraligjshme, duke shitur produkte të ndryshme industriale në një dyqan të ndodhur në zonën e Tregut të Shkollës Teknologjike Tiranë.

Mbi bazën e këtyre informacioneve nga ana e Policisë është organizuar puna, ku është finalizuar me sukses operacioni i koduar “Të Kamufluarit”, ku si rezultat i këtij operacioni shtetasit e mësipërm janë kapur në flagrancë në një banesë private në pronësi të shtetasit Ismail Xhengo në zonën e Fushës së Aviacionit Tiranë në të cilën kishin improvizuar një depo, në të cilën mbanin cigaret kondrabandë.

Nga kontrolli i kësaj depoje nga ana jonë janë gjetur dhe sekuestruar në cilësinë e provës materiale 9.950 paketa cigaresh kontrabande. Gjithashtu, në cilësinë e provës materiale u sekuestrua edhe një automjet i markës Mercedes benz me targe AA061BS.





Lajmet e fundit nga