web counter
LEXO PA REKLAMA!

SHKARKO APP

App Store
Google Play

“Pokeri” me 1 ton kanabis/ Çfarë fshihej pas letrave të bixhozit në pakot me drogë

26 Tetor 2015, 12:13, Kronika CNA

Gjithçka ishte e menduar mirë.

Paketimi i kanabasit bëhej me kujdes.

Në pakot me kanabis në të cilat vendosej një letër bixhozi, droga ishte më cilësore dhe më e shtrenjtë.

Burimet nga policia bëjnë të ditur se mënyra e paketimit sipas policisë shërbente dhe si kod komunikimi mes trafikantëve të cilët do ta shisnin drogën në dy tregje në Milano të Italisë.

Kjo është dhe arsyeja që operacioni u kodua ?Poker?

Droga, një ton kanabis ishte fshehur në 10 baleta me dru zjarri në trajlerin që do të udhëtonte drejt Italisë, raporton Ora News.

Pasditen e së dielës, rreth orës 17:30 minuta të 25 tetorit, në vijën e dytë të Pikës së Kontrollit Kufitar në Portin e Durrësi u zbulua ngarkesën e drogës, pas informacioneve të marra në rrugë operative se një sasi lënde drusore do të trafikohej drejt Italisë me trajlerin me dru.

Tre persona të dyshuar si të përfshirë në këtë frafik u arrestuan.

Në pranga përfundoi pronari i kamionit ku ndodhej droga Albert Doku, 51 vjec, si edhe shtetasit 55 vjecar Gani Bushati dhe Ervin Pëllumbi.

Nga hetimet e para rezulton se rezulton se kanabisi ishte ngarkuar në Bushat të Shkodrës dhe kishte si destinacion qytetin italian të Milanos./ Tema





Lajmet e fundit nga