E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Raporti i zgjedhjeve /Ja bashkitë ku kandidatët e PD kanë më pak vota se në vitin 2013

5 Tetor 2015, 16:41, Aktualitet CNA

Më një formulë të përdorur që krahason zgjedhjet lokale me ato parlamentare. Formulë që mer për baze maksimumin e votave ato të kandidatit, dhe krahason vetëm votën politike me zgjedhjet 2011, PD ka nxjerë tabvelat e saj të rezultateve pas gati 3 muaj punë.

Tabela të cilat nuk janë aspak modul për analizë elektorale, kjo për disa arsye. Në zgjedhje lokale kandidati gjithmonë maksimalizon votat e tij dhe gjithmonë ai mer më shumë se partitë në koalicion. Pra të krahasosh votën e kandidatit me votën politike në zgjedhje parlamentare është gabim, kjo edhe për faktin tjetër që lidhet me pjesmarjen në zgjedhjet politike dhe lokale, programin, formën e votimit, frymën që vjen e kështu me rradhë.

Krahasimi i bërë edhe sipas formulës zgjedhje lokale si kandidat dhe parlamentare si koalicion përsëri ka nxjerë zbuluar shumë prej degëve të PD, të cilat kanë më pak vota se në 2013. Disa degë të tjera rezultojnë të kenë më shumë vota me kandidatin se koalicioni në 2013, por kanë humbur me diferenca të frikshme elektorale. Megjithëse ka humbje të thella në këto raste formula e përdorur ka nxjerë ngritje për PD-në, sic është Bashkia Fier.

Sipas raportit të PD, komentuar edhe nga Sekretari i Përgjithshëm Arben Ristani, po publikojmë së pari degët ku kandidatët e PD kanë më pak vota se në vitin 2013. Një fakt që i çon këto degë menjeherë në riorganizim, edhe për shkak te ndarjes së re teritoriale. Kjo më pas do cojë në zgjedhjen e strukturave nga baza drejt kreut të ri të degës. Për këtë process ende ska asgjë publike, por kush ka dalë më keq se në 2013, nuk do lejohet të rizgjidhet, pra do marë koston politike që i takon.

Bashkia Dibër, kandidati Ilir Krosi ka 14588 vota, krahasuar me koalicionin ne vitin 2013 ka 1151 vota me pak. PD në krahasim me vitin 2011 ka 1767 vota më pak. Koalicioni 2015 me koalicionin 2011 është minus 3224 vota. Në Dibër kandidati i PD ka humbur për vetëm 439 vota. Kjo është një bashki që tregon se formula e përdorur nga drejtuesit e PD për analizën e rezultatit është e gabuar.

Bashkia Durrës, kandidatja Grida Duma ka 42268 vota, krahasuar me koalicionin 2013 ka 601 vota më pak. ?Fytyra e fitores të opozitës, ëmbëlsira elektorale?, nuk shkoi as në votat minimale historike të PD-së dhe aleatëve të saj. Krahasuar PD 2015-2011 janë 506 vota më pak dhe si koalicione janë minus 4040 vota.

Bashkia Has, kandidati i PD Elez Maci, ka 821 vota më pak se koalicioni në 2013. Vetë PD krahasuar me 2011 ka plus 26 vota, dhe si koalicion përsëri ka një ngritje 445 vota.

Bashkia Himarë, një lëmsh elektoral dhe Pazar polkitik ku askush nuk po mban përgjegjësi. Kandidatja i PD është minus 805 vota në krahasim me 2013, kështu janë dhe shifrat e tjera. Lefteri PRifti doli e katërta pas një kandidati të pavarur. Përsëri kjo bashki tregon se formula e përdorur është gabim, por këtë herë në krahun e kundërt, megjithëse për Himarën pranohet pazari me PBDNJ.

Bashkia Kamëz, kandidati i PD Xhelal Mëziu ka marë 24312 vota, ai ka fituar por në total ka 2678 vota më pak se në 2013. Një tjetër rast që tregon se formula e krahasuar zgjedhje lokale-politike ka diferenca.

Bashkia Kavajë, për shkak të rritjes së pjesmarjes këtu ka një tjetër fenomen. Në përqindje ka një diferencë minus 0.03% por kandidati Engjell Cara ka marë 742 vota më shumë se në 2013.

Bashkia Korcë, shembulli spektakolar i dështimit të opozitës. Jo për shkak të kandidatit por për shkak të një dege të shpartalluar, ku kreu i saj Andrea Mano, kërkonte të rikandidonte për këtë bashki. Kandidati Gjergji Mero ka 17549 vota, janë miunus 1787 vota në krahasim me 2013. PD krahasuar me 2011 ka minus 2857 vota dhe si koalicion minus 6090 vota. Këto shifra jep formula lokale politike apo lolale=lokale duke marë vetëm koalicionet, në rast se do mereshin rezultatet e 2011 të kandidatëve do dilte një shifër diference dy herë me e lartë.

Bashkia Librazhd, kandidati i PD ka 1077 vota më pak se në vitin 2013, PD ka 833 vota m,e pak se në 2011 dhe koalicioni 2816 vota më pak. Në Librazhd kandidati Fadil Brazhda ka një minimum historic të pakrahasueshëm me vetëm 27%.

Bashkia Memaliaj, janë minus 1308 vota krahasuar me 2013 Një bashki e vogël por që ka dhënë një leksion të madh.

Bashkia Peqin, Kandidati i PD ka 4326 vota krahasuar me koalicionin në 2013 janë minus 105 vota. PD si force politike krahasuar me 2011 është minus 1131 vota dhe koalicioni minus 1858 vota.

Bashkia e Puctecit, është minus 91 vota me vitin 2013, PD minus 247, koalicioni minus 261 një tjetër BAshki që përfshihet në degën e PD Korcë, ku është edhe ajo e Maliqit.

Bashkia Shijak, Kandidati I PD ka 704 vota më pak se koalicioni në 2013, PD ka një ngritje 310 vota krahasuar me 2011 dhe koalicioni është minus 359 vota.

Bashkia Skrapar, në këtë bashki ka një diferencë të lehtë prej 32 votash me 2013, po kështu për votat e PD-së si forcë politike.

Bashkia Tiranë, një tjetër gropë elektorale e PD-së. Më një fushatë dhe një kandidatt të shkelqyer, duket se zgjedhjet në degë kanë qenë një deshtim tashmë I faktuar. Doktor Halim Kosova ka 4075 vota më pak se koalicioni i vitit 2013, Partia Demokratike ka më 11244 vota më pak se në vitin 2001, koalicioni është minus 24883 vota.

Bashkia Tropojë, fitohet nga demokratët por ka të njëjtin problem si Kamza, kandidati Besnik Dushaj ka 2160 vota më pak se koalicioni i vitit 2013. Në Tropojë ishte dhe një kandidat i pavarur i cili ka marë 383 vota, në rast se ja zbresim diferencës prapë për numrin e votuesve, ajo është shumë e lartë. Kandidati I PD ka rënë në 53.79% të votave nga 69% në vitin 2013.

Këto janë 15 bashki ku kandidatët e PD kanë më pak vota se në vitin 2013, të gjitha më specifikat e tyre. Por ëdhë bashkitë e tjera kanë problem të medha janë të pakta ato ku PD si subjet apo koalicioni ka një ngritje të madhe si në rastin e Lezhës. Tashmë pritet që grupet e punës nga kryesia e PD të bëjnë analizën në degë dhe ajo që mbetët është të presim hapat e mëtejshëm dhe levizjet e Bashës, kur rezultati në të gjithë vendin me disa përjashtime ka ndezur sirenat e alarmit. Elvi FUNDO/citynews