E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Humbja e PD, analiza në 8 pika dhe palacot e oborrit

4 Tetor 2015, 12:22, Aktualitet CNA

*Elvi FUNDO

Basha ka mbledhur dje kryesinë e PD, duke shpërndarë një raport që në fakt duket thjesht sipërfaqësor dhe një veprim për të kaluar rradhen.

Një raport që në rreshtat e tij s?ka një analizë thelbësore nga organizmi dhe kreu I PD, por thjesht përfshin raportitn e OSBE, qëndrimet e disa kryetarëve të degëve dhe argumentin për vjedhjen e votës. Ky raport ka edhe absurdin e madh brenda, që shpall fitoren e madhe të PD-së në zgjedhje dhe nga ana tjetër flet për ristrukturim e riorganizim.

Së pari një raport serioz që ka të bëjë me analizën e zgjedhjeve nuk behet me disa shifra dhe qëndrime të ndërkombëtarëve. Në raport përcillet fryma e bazës dhe strukturave të angazhuara, duke prekur edhe përgjegjësitë dhe dobësitë konkrete. Në këtë raport që analizoi kryesia, flitet vetëm për kundërshtarët politikë dhe përgjegjësitë e tyre, ndërsa PD-ja në fakt nuk duket se shikon problem tek vetja.

Një raport që duket sa konfuz aq dhe i palogjikshëm, për të mos thënë që është shkruar shpejt e shpejt për të kaluar rradhën.

Po të rradhit disa pika ai del një fletushkë pa vlerë që nuk shikon problemet reale të opozitës, por mbahet në dorë si trofe nga disa palace oborri, që humbjen dhe katandisjen e PD në disa zona edhe 23% e quajnë fitore, pa folur për disa bashki ku humbësi më 15 mijë vota vetshpallet e ardhmja e opozitës.

Së pari raporti flet për riorganizim dhe rikstrukturim. Ndërkohë që në disa degë zgjedhjet kanë gati 7 muaj që kanë përfunduar. Pra, a ka një përgjegjësi konkretë, kush i zgjodhi drejtuesit dhe a është bërë një process i vërtetë në bazë? Në shumë qytete rezulton që jo, dhe këtë e treguan zgjedhjet lokale ku nuk kishte komisionerë dhe vëzhguesa, pra kishte struktura fiktive në gati 30% të seksioneve. Korca, Vlora, Durrësi, Tirana janë një shembull faktik, askund nuk I gjen këto fakte në raport.

Së dyti, në raport ka vetëm fjali për presione ndaj antarësisë të PD dhe kjo në të vërtetë ka ndodhur. Por për të pasur një raport realist duhet të thuhet se një pjesë e mirë e bazës kishin pakënaqësi dhe nuk dolën fare në fushatë, jo nga presionet por nga neveria dhe zhgënjimi që ju ndodhi gjatë zgjedhjeve në dege, ku u përjashtuan, u hoqën nga kandidimi apo u quajtën armiq dhe humbësit e 23 qershorit.

Se treti, raporti nuk thotë në asnjë rresht të tij pse PD hyri me vonesë në fushatë. Këtë konstatim e ka artikuluar publikisht edhe Sekretarja e Mardhënieve me Publikun Grida Duma, që e gjente si pjesë të rëndesishmë dhe faktor të humbjes.

Se katërti, raporti harron të flasë për seksionet inekzistente apo me 1 anëtar, stuktura të cilat LSI i mbushi me njerezit e saj kur duheshin votat për garën brenda PD-së.

Së pesti në asnjë rresht nuk gjen problemet e ngritura nga baza e PD-së, pra antarësia e saj. Gjithcka është mjaftuar me takimet e Bashës me kryetarët e degëve, apo edhe raportuesit e tij në disa zona, duke shmangur deputet e deleguar. Pra, në raport mungon mendimi i tyre dhe problematika e hasur në cdo zonë specifike. Pa asgje te vertete do shkohet tek baza?!

Së gjashti, raporti nuk ka asnjë paragraf për skandalin e përjashtimit të shumë prej deputetëve nga fushata. Rastet më flagrante janë në Tiranë, ku ju kërkohej deputetëve të mos dilnin në krah të kandidatit se I prishej imazhi!?

Së shtati, në raport nuk ka asnjë paragraf për punën e mbështetësve të PD që punonin në bashkinë e Tiranës, me kokrra diku ishin në fushatë të tjerët, gjoja ishin në qendër, disa nuk dolën fare dhe e braktisën që në sfidën e parë Lulzim Bashën.

Më tej mund të rradhitim dhjetra pika të tjera që kanë të bëjnë me këtë raport që duket qesharak, për aq shumë muaj punë e kohë sa mori. Disa shifra, pretendime për fitore dhe fjali nga raporti i OSBE. Analiza e zgjedhjeve nuk është një copë leter për të gënjyer njerezit duke u kthyer edhe në qesharak, që në fakt ky raport e tejkalon për nga përmbajtja e tij.

Në fakt ky raport mund t?ju shërbejë vetëm atyre që flasin për fitore dhe rritje të opozitës, ndërkohë që rezultati është kudo i njëjtë me 2013 apo edhe më keq. Ky raport nuk flet për thelbin dhe problematikat e zgjedhjeve por gjen fajtorë pa faj dhe ska thelb. Një raport që nuk i shërben bazës të PD dhe shqetësimeve të reflektuara prej saj në 21 qershor, por thjesht shërben për palacot e oborrit dhe karrierën e tyre./*citynews.al