E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Tiranë / Aksion kundër taksive pa licencë

1 Tetor 2015, 12:11, Aktualitet CNA

Policia e Tiranë ka nisur një aksion kundër taksive të palicencuara.

Mjetet që kapen pa dokumentet apo që kryejnë shërbim taksi ilegale, do të gjobiten nga 10 deri në 40 mijë lekë, sipas njoftimit zyrtarë nga policia.

Deklarata e plotë:

?Drejtoria e Policisë Qarkut Tirane duke vlerësuar shqetësimet e ngritura nga Shoqata e Taksistëve, në lidhje me mjetet e pa licencuar që operojnë në fushën e shërbimit taksi, ditët e fundit ka marrë masa për kontrollin dhe ndëshkimin e këtyre mjeteve që në mënyrë abuzive qarkullojnë me ngjyrë të verdhë dhe me targa të bardha duke konkurruar në mënyrë të paligjshme mjetet e licencuara konform rregullave të përcaktuara në Ligj.

Në kuadrin e këtyre masave,dhe në zbatim të Udhëzimit nr. 16, datë 25.08.2010 të Ministrisë së Punëve Publike dhe Transportit, ?Mbi plotësimin e disa kushteve të veçanta në transportin rrugor të udhëtarëve?, Policia Rrugore njofton të gjithë drejtuesit e mjeteve, që kanë në përdorim mjete me ngjyrë të verdhë, ose me targa të bardha, që iu ka kaluar afati i licencës, dhe akoma kryejnë në mënyrë të kundërligjshme këtë shërbim, të marrin masa për të bërë ndryshimet karakteristike të mjetit, kthimin e tij në ngjyrën e regjistrimit të parë, dhe ndryshimin e targave të mjetit.

Komisariati Rajonal i Policisë Rrugore në zbatim të nenit 93 Ligjit Nr.8378 datë 22.07.1998 ?Kodi Rrugor i Republikës së Shqipërisë? i ndryshuar, ndaj kundërvajtësve do të marrë masa administrative që konsistojnë në dënime me gjobë nga 10.000 deri në 40.000 lekë, dhe tërheqje të lejes së qarkullimit të mjetit, e cila do ti kalojë Drejtorisë së Përgjithshme të Shërbimit Transportit Rrugor, e cila merr masa për azhornimin e saj sipas dispozitave që janë shkelur?, përfundon njoftimi i Policisë së Tiranës.