E fundit!

08:08 Politikë

Balla tallet me Agron Shehajn, mesazh protestuesve: Ky tradhtoi Lulin, Mulin, Saliun, e jo më ju

Kreu i Grupit Parlamentar të Partisë Socialiste Taulant Ba...

Shqipëria heq barrierat për eksportimin e vezëve nga Kosova

30 Shtator 2015, 13:17, Ekonomi CNA

Kjo u bë e ditur në takimin që pati sot, Ministri i Bujqësisë, Pylltarisë dhe Zhvillimit Rural, Memli Krasniqi me homologun e tij nga Shqipëria, Edmond Panariti.

Krasniqi në konferencën për media, falënderoi Panaritin për angazhimin dhe lidershipin për përkushtimin në këtë proces të përbashkët, ndërsa theksoi se do të jenë për herë të parë në hapjen e panairit për prodhime bujqësore. ? Për herë të parë kemi një bashkëpunim ndërmjet Odës Ekonomike dhe Këshillit Agrar të Shqipërisë, ku edhe do të bëhet një përfaqësim i bizneseve të dy vendeve?, pranoi ministri Krasniqi.

Nga ana tjetër, ministri Panariti garantoi se më nuk do të ndodhë më që të ketë bllokime siç ka ndodhur në të kaluarën për mallrat ushqimorë.

?Po ashtu jemi në prag të finalizimit të një projekti të përbashkët për njohjen reciproke të standardeve të cilësisë së miellit dhe do ta kem kënaqësinë që ta nënshkruaj këtë këtu në Kosovës ose në Shqipëri?, shtoi Panariti.

Ministrat u pyetën se a mund të bëhen hapa më konkret që këto barriera të mos shfaqen në muajin shtator , sidomos, kur bëhet edhe vjelja e rrushit pastaj të hekën kur të përfundoj. Për këtë, Krasniqi tha se nuk është e saktë që barrierat vendosen në kuptimin sezonal.

?Barrierat që kanë ekzistuar mes nesh kanë qenë barriera të vendosur shumë më herët përmes legjislacionit primar apo sekondar, qoftë të Shqipërisë apo Kosovës dhe ajo që po ndodhë është se ky legjislacion në raste të caktuara është duke ndryshuar dhe nuk po ndryshon për një periudhë të caktuar kohore por po ndryshon përgjithësisht dhe në mënyrë permanente në mënyrë që të avancojmë arritjen e atij objektivi të përbashkët, pra krijimin e një tregu të përbashkët, unik por edhe unifikimin e standardeve qofshin ato të sigurisë apo të cilësisë por edhe të metodologjisë?, shtoi Krasniqi.

Madje ministri Krasniqi tha se janë në një stad më të avancuar krahasuar me vitin e kaluar dhe, se sipas tij, është vullneti politik i shprehur vite me radhë, për të arritur rezultate konkrete për marrëveshjet strategjike.