web counter
LEXO PA REKLAMA!

SHKARKO APP

App Store
Google Play

Jo Filadelfia, por “Fieradelfia”

28 Shtator 2015, 15:15, Kulturë CNA

Flamuri shqiptar fiksohet, nga agjensia Reuters, në qytetin e fundit, të vizitës amerikane të Papa Françeskut Agjensia e lajmeve Reuters ka fiksuar flamurin shqiptar në Bulevardin Benjamin Franklin, në Philadelphia, ku dje dhe sot ka kaluar Papa Françesku, gjatë veprimtarive të tij në ndalesën e fundit të vizitës historike në SHBA. Shqiptarët që jetojnë në Philadelphia, apo ata që e kanë vizituar atë, e dinë se për cilin flamur bëhet fjalë. Bulevardi i njohur i qytetit që të çon në Muzeun e Artit dhe muzeume e monumente të tjera, është një nga pikat më të vizituara nga turistët. Flamuri shqiptar është pjesë e një serie flamujsh nga vende të ndryshme të botës, nga një për çdo komunitet etnik në Philadelphia. Tradita e vendosjes së flamujve ka nisur nga viti 1976, por prania shqiptare në Philadelphia është e hershme. Shqiptarët kanë hapur xhaminë e parë të qytetit, ndërsa kasha e parë ortodokse shqiptare daton në 1931. Mirëpo, siç është shkruar shpesh në gazetën shqiptaro-amerikane, ?Illyria? (http://illyriapress.com/), numri i shqiptarëve është shtuar veçanërisht pas vitit 1990 në Philadelphia, me ardhjen e një vale të re mërgimtarësh, nga Shqipëria. Një pjesë e madhe e tyre me sa duket nga Fieri, gjë që solli një emër të ri për qytetin në një shkrim kushtuar shqiptarëve në ?Philadelphia Inquirer?: Fier-adelfia. Fieradelfia është fakt vetëm një nga versionet. Sipas stilit të kolonëve të parë anglezë, shqiptarët preferojnë emra si ?Fieri i Ri?, ose Nju Fieri. Fierakët nuk janë të vetmit në këtë qytet. Ashtu si edhe në përqendrime të tjera të komunitetit, shqiptarët vijnë nga të gjitha trojet, përfshi edhe një numër të madh arbëreshësh, ndoshta të parët që janë vendosur këtu. Përsa i përket Atit të SHenjtë, sot, do të jetë dita e fundit në Shtetet e Bashkuara.





Lajmet e fundit nga