Mitro Çela, stari i ri ne Vizion Plus

10 Shtator 2015, 15:23, Kulturë CNA

Mitro Çela duket se do te jete ylli me i ri i shfaqjes televizive, Dancing with the Stars, ne Vizion Plus. Si njofton edhe vete ne Facebook, ku kerkon edhe mendimet e publikut, ai eshte ftuar te marre pjese ne spektaklin e kercimit nga Olta Dulaku.

Ja se cfare shkruan Mitro Çela ne postimin e tij ne Facebook, te titulluar: “Ftese nga “DANCING WITH THE STARS” miq ne Facebook! Dilema ime ne doren tuaj!

“Të dielën ra telefoni:
-Alo…Jam Olta Dulaku. Kur je i lirë për kafe?
-Bakër në kohë, kur kam ftesa të tilla, kam me bollëk.
Orën 19.30. Hotel “Sheraton”. Ballëpërballë. Portokall i shtrydhur.
-Dua të të ftoj tek “Dancing with the star”…
Më ra gota nga dora. U skuqa si nxënës gjimnazi. Belbëzova:
– Mamaja, në bashkëpunim të ngushtë me babanë, më ka gatuar në vitin 1948.
-Për këtë akt, uroj mamanë tënde?
-Kam shumë arsye për të të thënë JO. Por më kujtohet një batutë e Zorbës, personazh i Niko Kazanzaqit tek libri “Jeta e Zorebës”. “Në jetë, vetëm një herë kam bërë mëkat. I thashë JO një zonje!”
– Të bie të thuash dy “JO”. Balerinës dhe mua!
-Kam tre arsye, për të vonuar verdiktin. Leja e shefit: Filip Çakuli. Këshilla e Ezmerkës. Dhe ” …këmbana e priftit”: Nuk di të kërcej!
Vajzat e “Fiks Fare”, pasi dëgjuan haberin, nuk mi kursejnë buzëqeshjet. Nga djemte, Adi Pojani u gezua dhe meofroi vota me shumice. Regjizori Albert Minga rrudhi buzët duke thënë:” Ai çaj nuk është për buzët e tua?!” Koço Devole shkoi më tej:” Më kërkuan edhe mua vjet…Nuk shkova…Kupton, mo!” Ja thashë haberin, larg e larg Filipit
-Nuk kam hall se ke rrjedhur ti! Por duke ndenjur me ty, do të thonë që ka rrjedhur edhe Filipi!
Ezmerka i qëndroi formulës së vjetër: ” Do të bëhesh star me zor? Do më vijë turp nga shoqet!” E tradhëtoi një buzqeshje. E pikasa. I pëlqeu.
Ezmerka bën balet. Për maestro kanë Erin. Me famë sepse vjet ka qënë traineri i parë i Tunës. Shkova një seancë ditën e hënë. Mu deshën tre ditë për të mësuar 7 hapa të rumbës. I bëra mesazh Oltës:
– Mu duk vetja: Dru me pre!
– Nuk ka dy jo!
Këshilla juaj, miq të Facebook!”