web counter
LEXO PA REKLAMA!

SHKARKO APP

App Store
Google Play

E fundit!

x

Doshi dhe Dritan Prifti reagojnë për letrën e Spartak Brahos: Ja si është e vërteta

28 Shtator 2015, 16:42, Politikë CNA

Në lidhje me takimin me bashkëshorten e Kastriot Ismailajt, që përmendet në letrën e Brahos, Tom Doshi ka thënë për Top Channel, se me të ka 15 vite që njihet:

?Kam 15 vite që njihem me bashkëshorten e zotit Ismailaj.

Unë jam deputet dhe mund të takohem me këdo. Po, jam takuar me kërkesë të saj.

Le të kontrollohen tabulatet e mija dhe të shikohet se kush e ka kërkuar takimin?.

Doshi në prononcimin e tij për Top Channel tha gjithashtu se ai nuk ka asnjë dijeni për bizneset e mundshme që mund të ketë patur Ilir Meta me Kastriot Ismailajn.

Por ai the se ka dy pyetje për Ilir Metën, nëse ai ka vizituar zyrtar e Kastriot Imailajt tek ish- Radio Tirana përpara zgjedhjeve lokale të 2011 dhe a ka shkuar në Çeki për të lobuar në marrjen e kontratës nga DIA.

Ndërsa Dritan Prifti shprehet se nuk ka njohje me bashkëshorten e Ismailajt dhe shton se e do këtë vend më shumë se Ilir Meta, dhe se nuk do të dëshironte asnjë lloj destabiliteti.

Sipas Priftit, asnjë presion nuk nuk do të bëjë që ai të tërhiqet nga e vërteta.

Nëse do të hapet një hetim serioz për CEZ dhe DIA-n, Prifti deklaron se do të dëshmojë të vërtetën, sidomos kur, sipas tij po kërkohet t?i zhvaten vendit 130 milionë euro.

 





Lajmet e fundit nga