web counter
LEXO PA REKLAMA!

SHKARKO APP

App Store
Google Play

Ristani nuk e permendi me emer, reagon Artan Bajraktari: ne pune me ktheu ligji

14 Shtator 2015, 16:50, Politikë CNA

?Rikthimi në punë i shefit të Interpolit, i cili u nis të bëhej kurban për të marrë përgjegjësinë me vete dëshmon se kërkesa e Interpolit nuk është fshehur nga ai, por është fshehur nga ministri i Brendshëm?, deklaroi Ristani.

Edhe pse nuk i permendet emri, Artan Bajraktarin, njeri i cili është rikthyer në pozicionin që mbante ka reaguar përmes një deklarate shpërndarë për mediat, duke shpjeguar se rikthimi i tij në detyrë nuk është një vendim i politikës, por i gjykatave të shtetit shqiptar.

?Shpreh jo pak keqardhje, që një përfaqësues i lartë i Partisë kryesore të opozitës të njollosë emrin tim, duke deklaruar në publik fakte tërësisht të pavërteta; duke treguar njëkohësisht mungesë respekti të hapur për vendimet e Gjyqësorit, respektimi i të cilave nuk pranon komente politike. Është pikërisht nëpërmjet 2 vendimeve të një pas njëshme të gjykatave të shtetit shqiptar, respektivisht Gjykatës së Rrethit Gjyqësor Tiranë, Gjykatës së Apelit të Rethit Gjyqësor Tiranë, që unë jam deklaruar i pafajshëm ndaj të gjitha akuzave të ngritura nga Prokuroria. Thënë me fjalë të tjera, janë po të njejtët vendime gjyqësoretë cilët, krahas deklarimit të ndalimit tim si të paligjshëm, pushimit të procedimit penal ndaj meje, garantojnë edhe kthimin tim në pozicionin e mëparshëm të punës?, thotë Bajraktari.

Në fund të deklaratës, Artan Bajraktari kërkon që politika të qëndrojë larg Policisë së Shtetit.

?Unë jam punonjës i Policisë së Shtetit dhe punoj për sigurinë e vendit tim. Politika të bëjë politikë me politikën, jo me punonjësit e Policisë?, thotë ai.





Lajmet e fundit nga