E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Berisha takon ambasadorin e ri te Izraelit ne Tirane

11 Shtator 2015, 16:15, Politikë CNA

Ish-kryeministri Sali Berisha pati nje takim me ambasadorin e ri te Izrealit, me te cilin ka diskutuar marredheniet miqesore mes dy vendeve si dhe problematikat e konflikteve ne rajon.

:Të dashur miq, pata kënaqësinë të prisja në një takim ambasadorin e ri të Izraelit në vendin tonë zotin Boaz Rodkin.
Me ambasadorin Rodkin diskutuam mbi marrëdhëniet miqësore dhe bashkëpunimin midis dy vendeve tona, mbi problematikat dhe konfliket në rajon. Zhvillimet në Lindjen e Mesme dhe kriza e sigurisë që vendet e saj po kalojnë, veçanërisht në Siri, Irak por dhe ne Libi e Jemen, etj rreziku që paraqet ISIS për vendet e rajonit dhe sigurinë ndërkombëtare. Keto konflikte dhe kriza e refugjatëve si produkt i tyre, përbëjnë një nga shqetësimet dhe kërcënimet më të mëdha të sigurisë, të të drejtave të njeriut, paqes dhe zhvillimit sot në botë. Në këtë kontekst i shpreha ambasadorit bindjen time se Izraeli do të vazhdojë të mbetet shtylle e rendesishme stabiliteti dhe demokracie në rajon.
Me ambasadorin diskutuam shqetësimin për numërin e madh të qytetarëve shqiptarë të cilët largohen nga Shqipëria për të kërkuar azil në Gjermani. Theksova se është shumë shqetësuese fakti që Shqipëria, vend anëtar në NATO, renditet në vend të dytë për numrin e azilkërkuesve, pas Sirisë e cila ndohet në luftë, ndërkohë që në vitet 2011-2012 pas liberalizimit të vizave, nga Shqipëria kishte vetëm 423 kërkesa për azil politik ndërsa vetëm këtë korrik te ketij viti këto kërkesa ishin 7200.
Shkak për këtë është gjëndja e mjerueshme në të cilën kjo qeveri e ka zhytur vendin, pasiguria dhe korrupsioni qeveritar.
Nga ana tjetër vendi ndodhet i bllokuar në proçesin e dekriminalizimit. Rama e ka mbushur parlamentin dhe administratën me kriminelë. Situata nuk është e sigurtë dhe modeli që kjo qeveri po jep është ai i kriminelëve deputetë në pushtet ndërkohë që u kërkon njerëzve të thjeshtë të zbatojnë ligjin.
Tre vjet më parë, qeveria e Izraelit vendosi hapjen e ambasadës e Izraelit në vendin tonë. Sot, ambasadori Rodkin emërohet në këtë detyrë për të çuar përpara marrëdhëniet midis dy vendeve tona. Ndaj dhe unë i urova shumë suksese në detyrën e tij”, shkruan Berisha.