web counter
LEXO PA REKLAMA!

SHKARKO APP

App Store
Google Play

Presidenti vlerëson Ibrahim Bashën me “Dekoratën e Artë të Shqiponjës”

14 Shtator 2015, 13:35, Politikë CNA

Presidenti Bujar Nishani vlerëson inspektorin Ibrahim Basha (pas vdekjes) me ?Dekoratën e Artë të Shqiponjës?. Vlerësimi u bë ditën e sotme në një ceremoni solemne të organizuar në mjediset e Presidencës, ku Kreu i Shtetit e argumentoi dekoratën me motivacionin: ?Për merita dhe shërbime të veçanta në luftë me grupe të strukturuar kriminale për garantimin e rendit dhe sigurisë publike; për trimëri dhe kontribute të spikatura në operacionet luftarake në Afganistan dhe Irak, në mbrojtje të paqes dhe lirisë, në luftë kundër terrorizmit ndërkombëtar?. Në ceremoni ishin të pranishëm familjarë, Drejtori i Përgjithshëm të Policisë së Shtetit Haki Çako, përfaqësues të pushtetit vendor, miq dhe kolegë të Inspektorit Basha. Në fjalën e mbajtur me këtë rast, Presidenti Nishani tha se: ?Si qytetar i këtij vendi, Ibrahimi është dhe miku im, i shumë qytetarëve shqiptarë që duan Shqipërinë, ata të cilët luftojnë çdo ditë për të bërë më të mirën në punën e tyre, për familjen dhe fëmijët e tyre dhe këtë e bëjnë me korrektesë, përkushtim dhe ndershmëri! Njerëz të tillë, siç ishte Ibrahimi, kur janë mes nesh sjellin energji, pozitivitet dhe shpresë, por kur ata largohen fizikisht nga ne lënë pas gjithmonë kujtimin e mirë të virtyteve njerëzore? Presidenti tha se jeta e Ibrahimi nuk ishte një jetë e çuar dëm, përkundrazi, ishte nga ato që lënë shenjë përgjithmonë tek gjithsecili, si shembull frymëzimi dhe krenarie për të gjithë. Ai u zotua se si President i Republikës, nuk do të rresht asnjë moment së kërkuari nga organet ligjzbatuese dhe ato gjyqësore që drejtësia për Ibrahimin të bëhet, e plotë dhe fajtorët të marrin dënimin që meritojnë.





Lajmet e fundit nga