web counter
LEXO PA REKLAMA!

SHKARKO APP

App Store
Google Play

Rama në Bavari: Marrëdhënie të shkëlqyera mes dy vendeve

11 Shtator 2015, 16:45, Politikë CNA

?Potenciali i bashkëpunimit mes Shqipërisë dhe Gjermanisë është jashtëzakonisht i madh?. Kështu është shprehur kreu i qeverisë shqiptare Edi Rama, gjatë takimit të zhvilluar sot në Landin e Bavarisë, ku u takua me Kryeministrin Horst Seehofer.

Kreu i ekzekutivit nënvizoi se ?marrëdhëniet mes dy vendeve janë të shkëlqyera?, ndërsa shtoi se ?në kuadër të bashkëpunimit të nisur në fushën e arsimit profesional, ku Shqipëria ka implementuar sistemin dual të edukimit, është tejet i rëndësishëm për të dy vendet?.

Më tej kryeministri Rama e njohu kreun e ekzekutivit të Landit të Bavarisë edhe me ecurinë e procesit të Berlinit, si dhe hapat e ndërmarra nga Shqipëria në përshpejtimin e procesit të integrimit europian.

Nga ana e tij, Kryeministri Horst Seehofer, u shpreh se: ?Marrëdhëniet ekonomike dhe politike mes dy vendeve tona janë të shkëlqyera. Do bëjmë gjithçka që Shqipëria në një kohë të parashikueshme të ketë një perspektivë drejt Evropës dhe BE-së?.

Ndërsa në fund të takimit shprehu edhe dëshirën e tij për të zhvilluar një vizitë në Shqipëri. ?Mirënjohës kryeministrit Rama që na vizitoi. Për të thelluar marrëdhëniet që kemi më ka ftuar në Shqipëri dhe e ka parashtruar Shqipërinë kaq bukur sa jam kureshtar dhe do e vizitoj këtë vend.





Lajmet e fundit nga