Mediat ndërkombëtare rikthejnë akuzat Rama – Meta

24 Shtator 2015, 11:59, Aktualitet CNA

Tim Sebastian i Deutsche Welle insistoi në intervistën e tij me Edi Ramën tek akuza që ai kishte bërë ndaj Ilir Metës në 2011 kur e quante si ?shembullin e gjithçkaje të korruptuar në Shqipëri?.

Edi Rama vazhdon të justifikohet me shprehjen klishe se ?është sistemi që korrupton njerëzit?. Gazetarit Tim Sebastian ai i tha se në qeverinë e tij nuk ka më njerëz të kalbur. Nuk ishte as Meta që kishte qenë dikur i tillë.

Pas zgjedhjeve të 2013 ?ës Edi Rama u pyet disa herë mbi atë çfarë kishte thënë për Metën.

Kjo pyetje e vuri në vështirësi në korrik të vitit 2013 në emisionin Hardtalk në BBC. Apo edhe në tetor të po këtij viti në Columbia University.

Por rikthimi i kësaj pyetje në kohën kur marrëdhëniet mes tij dhe Metës janë në pikën më të ulët i jep asaj një tjetër specifikë.

Edi Rama dhe Ilir Meta nuk komunikojnë prej kohësh si më përparë. ?Muaji i mjaltit? ka mbaruar dhe ata i kanë kthyer shpinën njëri ? tjetrit.

Dy vjet pasi e përdori për t?u kthyer në pushtet, Edi Rama e sheh Ilir Metën si pengesë. Dhe sinjalet që ai po i jep publikut në vend dhe faktorit ndërkombëtar se problemi është Meta, po shtohen, ashtu si planet e tij për t?u ndarë nga Meta.

Dy vjet pas bashkëjetesës me ?shembullin e gjithçkaje të kalbur në Shqipëri? Edi Rama është gati të bëjë divorc. Tani ai po kërkon vetëm garanci për të mos rënë nga pushteti.

Llogaritë po i bën me votat, nëse shkohet në zgjedhje të parakohshme, apo koalicionet e mundshme për të evituar testimin në popull.

Sondazhet e brendshme po intensifikohen. Rezultati i tyre mbahet i fshehtë, por ashtu si disa sondazhe të tjerë të bërë publikë, të realizuar nga njerëz pranë Ramës, e nxjerrin atë fitues.

Rama duket se ka tani vetëm një shqetësim: si të justifikohet përpara votuesve për vëllazërinë e 1 prillit me Metën dhe për armiqësinë që mund të shkaktojë ndarjen.

Pyetja që i bëhet këto kohë për akuzat që ka thënë dikur ndaj Metës duket sikur i jep të drejtë vendimit të mundshëm për t?u ndarë prej tij.

Pas dy vjetësh bashkëqeverisje, duket se sistemi nuk mundi ta ndyshojë njeriun. Se cilin prej tyre, mbetet për t?u parë.