web counter
LEXO PA REKLAMA!

SHKARKO APP

App Store
Google Play

E fundit!

x

Provimet ne Universitetin e Elbasanit/ Ku ndryshon Facebook me Twitter?

24 Shtator 2015, 08:07, Aktualitet CNA

Përgjimet e pedagogëve të Elbasanit që u arrestuan dy ditë më parë, kanë nxjerrë se si diplomoheshin studentët kundrejt shumave të ndryshme.

Fillimisht hetimet nisën për tenderin 3 milionë euro, ku dyshohet se drejtori i Ujësjellësit, Altin Cenolli është përfshirë në një aferë korruptive, por nga përgjimet u zbulua edhe një rrjet që ndikonte te pedagogët e Universitetit të Elbasanit.

Sipas prokurorisë, drejtori i Ujësjellësit merrte porosi nga studentë të ndryshëm, të cilët kundrejt pagesës përfitonin nota kaluese.

Si ndërmjetës ishte shtetasi Gazmend Loshi, biznesmen në qytetin e Elbasanit dhe mik i drejtorit Cenolli.

Bashkë me ta në këtë aferë është përfshirë edhe shoferi i drejtorit, shtetasi Jani Muslli, i cili është arrestuar për ?korrupsion aktiv ndaj personave që ushtrojnë funksione publike?.

Ky i fundit e ka marrë diplomën me pyetje qesharake, të tipit:

?Nga ndryshon Facebook-u me Twitter-in?

A më ke bërë mua shok në Facebook??

Biseda mes Jani Musllit dhe Gazmend Laloshit

Më datë 20.07.2015, ora 13.15.39,  shtetasi Jani Muslli, (Besjani), përdoruesi i numrit të telefonit 0672033311, komunikon me shtetasin Gazmend Laloshi, përdoruesin e numrit te telefonit 0694573875, dhe zhvillojnë këtë bisedë:

Muslli: Hë vëlla?

Laloshi:Si dole?

Muslli: Ik se më iku truri, po ik

Laloshi:Pse nuk e more?

Muslli: Po ça, më kapi me telefon ai, dil jashtë tha. Prit i tha A. se do të ndërroj tezë. Unë te teze që më mori ai, kisha shkruar se i mora nga internet. Më dha tezë tjetër, po ccfarë të shkruaja?

Laloshi: Kush ishte ai, o burr?

Muslli:Ishte një rob ?., një i ri. Ça ke shkruajt, më tha mua A? I thashë unë, ja këto që po shikon. Këto tek fleta tënde i kam hedhur tek kjo fleta tjetër. Po qeshte. Mirë tha, monopoli, vari leshtë, ca budallallëqe që janë të thjeshta. Tha do të vë 5, kalo nga profesor R?. Hajde tha Jani, se do të bëj ca pyetje të vështira. Ku ndryshon Facebook-u nga Instagrami? Twitti çfarë është? Këtë o presor mos më pyet se nuk kam Twitter, i thashë. Ok, Facebook ke? ? më tha. Kam. Po mua më ke bërë shok? Të kam bërë bërë. Ik, mbarove- tha profesori, ? dil prit notën jashtë.





Lajmet e fundit nga