E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Avokati i Popullit rekomandim ministrit, Klosi për të drejtat e moshës së tretë

22 Shtator 2015, 11:29, Aktualitet CNA

Institucioni i Avokatit të Popullit me në krye Igli Totozanin i ka nisur një rekomandim Ministrit të Mirëqenies Sociale dhe Rinisë, Blendi Klosi, për miratimin e projektligjit ?Për përmirësimin e cilësisë së jetesës dhe plotësimit të nevojave për moshën e tretë?.

Për AP nuk është hera e parë që e ban këtë kërkesë pasi është e përsëritur, por këtë rradhë rekomandimi shpreh shqetësimin se ende nuk është bërë asgjë konkrete për këtë moshë.

Totozani me këtë rekomandim kërkon që të moshuarit të kenë të drejtat e tyre, në përmbushje të objektivave socialë dhe ekonomikë, realizimi i të cilave është i lidhur ngushtësisht me detyrimin e shtetit për të bërë të mundur garantimin dhe sigurimin e mjeteve të përshtatshme për nevojat jetësore.

Në shkresën drejtuar Ministrit Klosi thuhet gjithashtu se:

Pranë institucionit të Avokatit të Popullit, Shoqata për Integrim e Pensionistëve të Shqipërisë, ka paraqitur ankesë për mosmiratimin e statusit të moshës së tretë. Ju vemë në dijeni se për këtë çështje, institucioni ynë, më herët ka kryer një korrespondencë me ish-Ministrinë e Çështjeve Sociale dhe Shanseve të Barabarta dhe Ministrinë e Mirëqenies Sociale dhe Rinisë. Konkretisht:

-Me shkresën nr.374/1 datë 25.02.2013, nga ana e ish-MPÇSSHB-së, na është kthyer përgjigje, ku ndër të tjera na konfirmohej fakti se në bashkëpunim me ministritë e linjës dhe grupet e interesit, po punohej për hartimin e projekt-ligjit ?Për kujdesin e personave të moshës së tretë?, i cili ishte parashikuar të miratohej brenda vitit 2013.

-Me shkresën nr. 2653/1 datë 20.12.2013, Ministria e Mirëqenies Sociale dhe Rinisë na informon se në programin e përgjithshëm analitik të projekt-akteve për vitin 2013, është parashikuar miratimi i projekt-ligjit për moshimin ?Përmirësimi i cilësisë së jetesës dhe plotësimi i nevojave për moshën e tretë?, ku me Urdhër të Ministrit është ngritur grupi i punës ndërministror për hartimin e këtij projektligji. Është përgatitur projektligji dhe relacioni përkatës. Kostoja financiare është e lartë dhe po rishqyrtohet edhe njëherë me Këshillin e Ministrave dhe Ministrinë e Financave për miratimin e këtij projektligji për vitin në vazhdimësi.

-Me shkresën nr.3726/1 datë 24.07.2014, na është kthyer përgjigje se Ministria e Mirëqenies Sociale dhe Rinisë ka ndërmarrë edhe realizimin e reformës së pensioneve në Republikën e Shqipërisë, ku një ndër masat kryesore që synon realizimin e kësaj reforme është pensioni social, masë e cila është parashikuar edhe në projektligjin e sipërcituar. Në kushtet që të dyja reformat kërkojnë një harmonizim të projekt-akteve ligjore të parashikuara në VKM nr.20 datë 22.01.2014 ?Programi i përgjithshëm analitik i projekt-akteve për vitin 2014?, është kërkuar rivlerësimi i projektligjit ?Përmirësimi i cilësisë së jetesës dhe plotësimi i nevojave për moshën e tretë? si dhe është propozuar që ky projektligj të parashikohet në programin e përgjithshëm analitik të projekt-akteve për vitin 2015.

Në përputhje me nenin 22 të ligjit nr.8454 datë 04.02.1999 ?Për Avokatin e Popullit?, i ndryshuar, thuhet shprehimisht se: ?Organet, të cilave Avokati i Popullit u ka drejtuar një rekomandim, duhet të shqyrtojnë rekomandimin dhe të kthejnë përgjigje brenda 30 ditësh nga data e dërgimit?.