web counter
LEXO PA REKLAMA!

SHKARKO APP

App Store
Google Play

E fundit!

x

Furtunë në PS shkarkim në bllok kryetarëve humbës

18 Shtator 2015, 07:55, Aktualitet CNA

Nje plan emergjent po zbatohet në javët e para të vjeshtës ne Partine Socialiste. Plani parashikon shkarkimin e të gjithë drejtuesve humbës të Partisë Socialiste si dhe verifikimin e emërimeve të deritanishme.  Pas Lezhës dhe Shkodrës, ku u shkarkuan krerët e Partisë Socialiste dhe rrethi i tyre lokal, radhën do ta kenë Dibra, Kamza, Vora dhe njësitë e Jugut.

Sipas burimeve nga selia socialiste, pas rivotimit të ligjit për arsimin e lartë, koordinatorja apo komisarja për Lezhën dhe Dibrën, Lindita Nikolla, do të zbarkojë në njësitë e Dibrës, për t?u komunikuar shkarkimin e kryetarëve të PS në Klos dhe Mat, bashki të cilat u fituan nga demokratët. Edhe pse e majta, sa i takon votës politike, dominoi në të katër njësitë e Dibrës, shumica në pushtet humbi dy njësi vendore, për shkak të mosmarrëveshjeve të brendshme. Sipas burimeve, përpos shkarkimit të drejtuesve të PS, do të ketë edhe një verifikim të emërimeve gjatë dy viteve të fundit.

Ka pasur një fluks të madh ankesash drejtuar Edi Ramës, Taulant Ballës dhe Gramoz Ruçit për emërime nepotike dhe fisnore në Qarkun e Dibrës, emërime të cilat mund të fundosin dhe katandisin Partinë Socialiste në zgjedhjet e 2017. Sipas burimeve, në selinë rozë ka shkuar tashmë lista e emërimeve fisnore dhe nepotike, bashkë me lidhjet dhe konfliktin e interesit. Kryeministri Edi Rama mësohet se ka urdhëruar zhbërjen e një kulture të tillë bajraktarizmi, duke riparë të gjithë emërimet.





07:46 Aktualitet

Shtypi i dites

Faqet e para të gazetave të tjera       ...

21:45 Aktualitet

Guri i mbretërve

Ekziston një fije e përbashkët që mban të lidhura shumicën e...

Lajmet e fundit nga