Ilda Bejleri: Ja pse Xherdan Shaqiri s’mund të jetë i dashuri im

13 Shtator 2015, 10:47, Lifestyle CNA

Intervista që gazetarja e sportit, Ilda Bejleri arriti t?i merrte futbollistit me famë, Xherdan Shaqiri, u pasua me shumë thashetheme për flirt mes tyre. Moderatorja i është kthyer dhe një herë kësaj historie, ndërsa ka qenë e ftuar në emisionin ?3Jat MAD? për t?iu përgjigjur pyetjeve të Mateos dhe Rudit. Ata e kanë ngacmuar me pyetje direkte nëse është e vërtetë ajo çfarë shkruan mediat zvicerane për një histori rozë mes saj dhe Xherdanit. Ilda u përgjigj se:

?Kjo ndodhi ngaqë Xherdani nuk jep intervista dhe gazetarët aluduan se pse ai pranoi të fliste për mua. Ndër të tjera, duke bërë lojë fjalësh me dy prezantuesit, u shpreh pak a shumë se Xherdani është shumë i ri në moshë që të jetë i dashuri im?, ai është vetëm 23 vjeç, ndërsa ajo 28 vjeçe. Ilda sqaroi se gjithsesi ajo vazhdon t?i ruajë raportet me të, duke komunikuar me mesazhe telefonike, ku pyesin njëritjetrin për shëndetin dhe kuriozitete të tjera të përditshme. Sipas Ildës, komunikimi mes tyre është thjesht miqësor, që kur ajo e intervistoi.

?Fundja, Xherdani nuk është i pari, por është vetëm një nga futbollistët e shumtë me të cilët unë mbaj kontakte, përfshirë këtu edhe ata që jetojnë jashtë?, tha ajo. Duke folur për intervistën me Xherdanin, Ilda tregon se pati shumë impakt te publiku pasi ajo është e para gazetare shqiptare sportive që e merr në intervistë futbollistin, që luan për Zvicrën. Më parë ekzistonte një përshtypje sipas së cilës Xherdani ishte mendjemadh, por duket se ky përafrim me publikun shqiptar ka bërë që të ndryshojë gjithçka. Madje, Ilda rrëfen se kishte marrë më parë shumë komente që e cilësonin atë si tradhtar, një mendim që ajo e ka kundërshtuar me forcë duke e mbrojtur fantazistin e Stoke City, për të cilin thotë se është futbollisti më i mirë shqiptar, gjë që e vërteton një Champions League e fituar me fanellën e Bayern Mynih.

Ajo habitet se pse i tillë konsiderohet ai, dhe jo James Belushi apo Eliza Dushku, të cilët sipas saj jo vetëm që nuk kanë bërë asgjë për Shqipërinë, por as nuk dinë ndonjë fjalë shqip. Nga ana e tij, Xherdani e ngriti flamurin e Kosovës pas finales së Championsit. Në kuadër të intervistave me futbollistët shqiptarë, ajo tha se në planet e saj janë edhe vëllezërit Xhaka, Taulant dhe Granit. Për veten ajo deklaroi se është tifoze e ?Real Madrid? dhe se vendos skedina, të cilat shpeshherë i fiton.

Djemtë nuk kishin se si të mos e ngacmonin për reklamën, që Ilda ka bërë me rroba banje, ku të pasmet e saj janë gjëja e parë që të bien në sy. Këtë e konfirmuan edhe komentet e publikut, të cilët aludonin gjithashtu se Ilda e stimulon vetë atë lloj qëndrimi. Gazetarja sportive përgjigjet se ky qëndrim i ekspozimit të vitheve është gjenetik, që e ka pasur që e vogël. ?Për mua nuk ka asgjë të keqe të dish të rrish bukur dhe të nxjerrësh në pah hiret trupore?, tha ajo. Madje, edhe arsyeja për të cilën nuk hezitoi të pranonte një reklamë të tillë është se ajo ndihet në formë shumë të mirë trupore, dhe pa komplekse.