web counter
LEXO PA REKLAMA!

SHKARKO APP

E fundit!

x

Kameramanja hungareze që pengoi emigrantin sirianë kërkon falje publike

11 Shtator 2015, 10:23, Kosova & Bota CNA

Kameramanja hungareze Petra Lazslo, ka kërkuar falje publike për pengimin e një prindi që mbante fëmijën e trembur në krahë dhe duke vrapuar po kalonte kufirin me Serbinë.

Ajo është pushuar menjëherë nga puna e saj. Lazslo ka dhënë një intervistë për një të përditshme hungareze ?Magyar Nemzet? në të cilën ka kërkuar falje publike.
?Qindra emigrantë kaluan kordonin e policisë dhe njëri prej tyre po vinte me shpejtësi drejt meje. Kjo gjë më trembi saqë kur më kaloi pranë, diçka më nxiti brenda vetes të bëja atë veprim. Në atë moment besoja se do sulmohesha dhe duhej të mbrohesha. Më vjen shumë keq për sa ndodhi, dhe meqë jam nënë edhe unë, ndjej keqardhje për çka i ndodhi atij fëmije. Nuk jam njeri pa shpirt sikurse shkruhet për mua, as raciste nuk jam. Kështu që nuk e meritoj gjuetinë e shtrigave që është hapur kundra meje dhe kërcënimet me vdekje që marr çdo ditë. Tanimë jam thjesht një nënë e papunë, që në një situatë paniku mori vendimin e gabuar. Më vjen vërtet keq?, tha Petra Lazslo.





Lajmet e fundit nga